स्याङ्जामा मोटरसाइकल ठोक्किँदा १ जनाको मृत्यु, ४ घाइते

ब्लग

नेपाल लाइभ मंगलबार, जेठ २२, २०७५ ०५:१५

वालिङ– स्याङ्जाको गल्याङ नगरपालिका र जगत्रेदेवी नजिकै गल्याङ–मिर्मी सडकमा दुई मोटरसाइकल एकापसमा ठक्कर खाँदा १ जनाको मृत्यु भएको छ भने ४ जना घाइते भएका छन्।

गल्याङ प्रहरी चौकीका अनुसार सोमबार साँझ भएको उक्त दुर्घटनामा परी गुल्मी हर्मीचौरका २३ वर्षीय सुनिल सुनारको मृत्यु भएको हो।

स्याङ्जाको मिर्मीबाट गल्याङ आउँदै गरेको लु३२प ९९७९ र गल्याङबाट मिर्मी जाँदै गरेको लु३५प १६३३ नम्बरको मोटरसाइकल एकापसमा ठोक्किएका थिए। दुई मोटरसाइकलमा ५ जना सवार थिए।

घाइते हुनेमा गल्याङ नगरपालिका–३ का २२ वर्षीय अजित सुनार, कालीगण्डकी गाउँपालिका–२ का २० वर्षीय मदन पाण्डे, गल्याङ नगरपालिका–२ का २३ वर्षीय दिलीप राना र सोही स्थानका २२ वर्षीय सुशील सुवेदी रहेका छन्। घाइतेको पाल्पास्थित मिसन अस्पतालमा उपचार भइरहको प्रहरीले जनाएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय महिला फुटबल टोलीको मुख्य प्रशिक्षकको लागि आवेदन खुला

राजस्व बढ्ने आधार छैन, रुग्ण आयोजनाका बजेट व्यापक कटौती गर्नुपर्छ : योजना आयोग

सरकारले तोक्यो यि ४ स्वास्थ्य विज्ञान प्रतिष्ठानमा निमित्त उपकुलपति