राष्ट्रकवि घिमिरेको स्वास्थ्य समस्या फेरि बल्झियो, ग्रान्डीमा उपचार हुँदै

ब्लग

नेपाल लाइभ आइतबार, जेठ २०, २०७५ ०७:३७

काठमाडौं- भारतको मेदान्त अस्पतालमा उपचार गरेर फर्केका राष्ट्रकवि माधवप्रसाद घिमिरे फेरि बिरामी भएका छन्। भारतबाट फर्केको २४ घन्टा पनि नबित्दै पुनः स्वास्थ्यमा समस्या आएपछि घिमिरेलाई ग्रान्डी अन्तर्राष्ट्रिय अस्पतालमा भर्ना गरिएको छ।

घिमिरेलाई आज बिहान ६ बजे अस्पतालमा भर्ना गरिएको हो। उनको अहिले अस्पतालको 'हाइकेयर युनिट'मा उपचार भइरहेको छ। उनको उपचारमा डा चक्रराज पाण्डे नेतृत्वको टोली खटिएको छ। टोलीमा डा रवि महत, डा विवेक शर्मा, डा ओममूर्ति अनिल लगायत छन्।

अस्पतालका अनुसार, घिमिरेलाई बाइल्याट्रल निमोनिया देखिएको छ। उनको दिसामा रगत देखिने समस्या पनि पुनः देखिएको अस्पतालले जनाएको छ।

थप उपचारका लागि जेठ ९ गते नयाँदिल्ली लगिएका उनी हिजो मात्र स्वदेश फर्केका थिए। दिल्ली जानुअघि उनलाई बैसाख २८ गते धापासीस्थित ग्रान्डी अस्पतालमा भर्ना गरिएको थियो। आन्तरिक रक्तश्राव नरोकिएपछि उनलाई थप उपचारका लागि जेठ ९ गेत मेदान्त अस्पताल लगिएको थियो। त्यहाँ चिकित्सक डा रणवीर सुदको टोलीले उनको उपचार गरेको थियो।

स्वास्थ्यमा धेरै सुधार आइसकेकाले चिकित्सककै सल्लाहमा भारतबाट डिस्चार्ज गरिएको छोरी उषा अधिकारीले जानकारी दिइन्। तर आइतबार पुन: समस्या देखिएपछि ग्रान्डीमा ल्याइएको हो।

करिब ४ महिनादेखि अस्वस्थ रहेका ९९ वर्षीय घिमिरेको उपचारमा लाग्ने सम्पूर्ण खर्च सरकारले व्यहोर्ने घोषणा गरिसकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गाडीको ठक्करबाट पैदल यात्रीको मृत्यु भएपछि वीरेन्द्रनगर तनावग्रस्त

प्रधानमन्त्री ओलीले भने– वार्तामा आउनुस्, सहमति गरेर काममा फर्किनुस्

सेयर बजारमा आज पनि गिरावट