नदीजन्य पदार्थ उत्खनन गरिरहेका एक्साभेटर र ट्र्याक्टर नियन्त्रणमा

ब्लग

नेपाल लाइभ बिहीबार, जेठ १७, २०७५ ०२:०३

दमौली– तनहुँको भानु नगरपालिका–३, तुरतुरेस्थित मर्स्याङ्दी नदीबाट एक्साभेटर प्रयोग गरी अवैधरुपमा नदीजन्य पदार्थ उत्खनन गरिरहेका सवारीसाधनलाई बुधबार प्रहरीले नियन्त्रणमा लिएको छ।

ग१क २६४८ नम्बरको एक्साभेटर र लु१त १७०८ नम्बरको ट्र्याक्टरलाई चालकसहित नियन्त्रणमा लिइएको जिल्ला प्रहरी कार्यालय तनहुँका प्रवक्ता एवम् प्रहरी नायब उपरीक्षक सुनिल मल्लले बताए।

‘अवैधरुपमा ढुंगा, गिट्टी बालुवाको उत्खनन र ओसारपोसार गरिरहेको अवस्थामा ती सवारीसाधन फेला परेकाले नियन्त्रणमा लिई कारबाहीका लागि जिल्ला समन्वय समितिको कार्यालयमा पठाइएको हो।’, मल्लले भने।

एक सातायता जिल्ला प्रहरी कार्यालय, तनहुँले मर्स्याङ्दी, सेती, मादीलगायतका नदीबाट नियन्त्रणमा लिएका डेढ दर्जन सवारीसाधन कारबाहीका लागि जिल्ला समन्वय समितिमा पठाएको जनाएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दक्षिण कोरियाले ९ नेपालीलाई गर्‍यो निष्कासन

जबालियामा इजरायली हमलामा १५ जनाको मृत्यु

सामाजिक क्षेत्रमा लाग्नुपर्ने समय आएको छ :महामन्त्री थापा