सर्वोच्चले माग्यो प्रतिनिधि सभा विघटन गर्नुको लिखित जवाफ, असार ९ गतेदेखि निरन्तर सुनुवाइ हुने

राजनीति

नेपाल लाइभ बुधबार, जेठ २६, २०७८ १५:३५

काठमाडौं- सर्वाेच्च अदालतले प्रतिनिधि सभा विघटन सम्बन्धमा विपक्षीका नाममा कारण देखाऊ आदेश जारी गरेको छ। अदालतले उनीहरूसँग लिखित जवाफ मागेको छ।

अब असार ९ गतेदेखि निरन्तर सुनुवाइ गर्ने अदालतले निर्णय गरेको छ। बुधबार प्रधानन्यायाधीश चोलेन्द्र शमशेर राणा नेतृत्वको संवैधानिक इजलासले यस्तो आदेश जारी गरेको हो। सं‍वैधानिक इजलासमा न्यायाधीशहरू दीपककुमार कार्की, मिरा खड्का, ईश्वरप्रसाद खतिवडा र आनन्दमोहन भट्टराई छन्।

सर्वाेच्च अदालतमा यो मुद्दामा बुधबारदेखि मात्र नियमित सुनुवाइ सुरु भएको हो। यसअघि झण्डै दुई साता इजलास गठनको विवादमै अल्झिएको थियो।

राष्ट्रपति कार्यालय, प्रधानमन्त्री तथा मन्त्रिपरिषद्को कार्यालय, संघीय संसद् र प्रधानमन्त्री केपी शर्मा ओलीलाई विपक्षी बनाएर मुद्दा दायर भएको थियो।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले जेठ ७ गते राति प्रतिनिधि सभा विघटन गरेकी थिइन्। प्रतिनिधि सभा विघटन सम्बन्धमा सर्वाेच्च अदालतमा ३० थान मुद्दा छन्।

यसअघि गएको पुस ५ गते गरिएको प्रतिनिधि सभा विघटनलाई सर्वाेच्च अदालतले फागुन ११ गते बदर गरिदिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन