प्रदेश ३ ले नयाँ उद्योगलाई ५ वर्षसम्म कर नलिने

ब्लग

नेपाल लाइभ सोमबार, जेठ १४, २०७५ १५:३३

रत्ननगर– प्रदेश ३ का मुख्यमन्त्री डोरमणि पौडेलले उद्योगको विकास र विस्तार नै प्रदेश सरकारको मुख्य प्राथमिकता रहेको बताएका छन्।

नेपाल राष्ट्रिय वाणिय संघ र नेपाल राष्ट्रिय उद्योग व्यापार संगठन रत्ननगरले सौराहामा आयोजना गरेको अन्तर्क्रिया कार्यक्रममा उनले भने,'उद्योग-धन्दा र कलकारखानाको विकासबिना समृद्धि सम्भव नहुने भएकाले प्रदेशको ध्यान यसतर्फ केन्द्रित छ।'

मुख्यमन्त्री पौडेलले आगामी वर्ष ‘उद्योग वर्ष’ घोषणा गर्ने तयारीमा प्रदेश सरकार अघि बढेको बताउँदै भने, 'यो वर्ष हाम्रो प्रदेशले उद्योग वर्ष भनेर घोषणा गर्दैछ, यो वर्ष दर्ता गर्ने उद्योगलाई हामी ५ वर्ष कुनै पनि कर लिदैनौँ, त्यो नीति अहिले लिएका छौं।'

अहिले उद्योग दर्ता गर्न झन्झट रहेको औल्याउँदै उनले अब एउटै ढोकाबाट पसेपछि सबै काम सम्पन्न हुनेगरी नीति ल्याउन लागेको जनाए।

प्रदेश ३ का भूमि व्यवस्था तथा कृषि सहकारीमन्त्री दावादोर्जे लामाले राजनीतिक लडाइँ सकिएको भन्दै अब मुलुक बनाउने लडाइँ सुरु भएको बताए।

कार्यक्रममा चितवनको विकास र चुनौतीका विषयमा कपिल सुवेदी, शिक्षाको विषयमा रामकुमार तिवारी, कृषिको विषयमा भीमनारायण श्रेष्ठ, पर्यटनको विषयमा योगेन्द्रनाथ अधिकारी र स्वास्थ्यका विषयमा विश्णुप्रसाद शर्माले अवधारणापत्र प्रस्तुत गरेका थिए। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

युवती मृत फेला प्रकरण : प्रेमी भनिएका फरार युवक पनि झुण्डिएको अवस्थामा फेला

रास्वपाको ठहर- सभापतिलाई अप्ठ्यारो पार्ने गरी सहकारी सम्बन्धी अध्यादेश ल्याइयो

०८२ मंसिरमा महाधिवेशन, विचार मिल्ने दलसँग एकता गर्ने राप्रपा नेपालको निर्णय