विप्लव समूहका दुई कार्यकर्ता कैलालीमा पक्राउ

ब्लग

नेपाल लाइभ सोमबार, जेठ १४, २०७५ १४:२४

कैलाली- कैलाली प्रहरीले नेत्रविक्रम चन्द (विप्लव) नेतृत्वको नेकपाका दुई जना कार्यकर्तालाई पक्राउ गरेको छ। प्रहरीले आज विक्रान्त भनिने कृष्ण देउवा र राजकुमार चौधरीलाई पक्राउ गरेको हो।

हिजो धनगढीमा भएको गोलीकाण्ड र रकम लुटपाटको घटनामा संलग्न भएको आरोपमा उनीहरुलाई पक्राउ गरेको प्रहरीले जनाएको छ। पक्राउ परेका दुवै जनालाई जिल्ला प्रहरी कार्यालयमा राखेर सोधपुछ गरिरहेको छ।

कैलालीका अलग-अलग स्थानबाट पक्राउ परेका देउवा र चौधरी एउटै आपराधिक कार्यमा संलग्न रहेको प्रहरीको दाबी छ। कैलालीका प्रहरी उपरीक्षक विनोद घिमिरे भने विभिन्न व्यक्तिहरुलाई सोधपुछका लागि नियन्त्रणमा लिएको बताउँदै आवश्यक अनुसन्धानपछि मात्रै घटनाको सत्य-तथ्य सार्वजनिक गर्ने बताए।

प्रहरीले घटना भएलगत्तै ९ लाख रकम सहित पक्राउ परेका अत्तरियाका दुई जना युवालाई बोलाएको बेला उपस्थित हुनेगरी आइतबार राति नै रिहा गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

युवती मृत फेला प्रकरण : प्रेमी भनिएका फरार युवक पनि झुण्डिएको अवस्ठामा फेला

रास्वपाको ठहर- सभापतिलाई अप्ठ्यारो पार्ने गरी सहकारी सम्बन्धी अध्यादेश ल्याइयो

०८२ मंसिरमा महाधिवेशन, विचार मिल्ने दलसँग एकता गर्ने राप्रपा नेपालको निर्णय