काठमाडौं– देशका ४६ प्रतिशत पत्रकारले मात्र महिनैपिच्छे नियमित रुपमा तलब पाउने गरेको तथ्य सार्वजनिक भएको छ। सोमबार काठमाडौंमा आयोजित एक कार्यक्रममा सार्वजनिक तथ्यांक अनुसार २५ प्रतिशतले २ महिनामा र १८ प्रतिशत पत्रकारले तीन महिना वा त्यो भन्दा बढी समयमा मात्र तलव पाउने गरेका छन्।
सोमवार काठमाडौंमा न्युनतम पारिश्रमिक निर्धारण समितिसँगको सहकार्यमा नेपाल पत्रकार महासंघ एशोसिएट प्रदेश समिति, प्रतिष्ठान समिति र उपत्यका समितिले न्युनतम पारिश्रमिकको कार्यान्वयनबारे अन्र्तक्रिया गरेको थियो।
सोही कार्यक्रममा ५४ प्रतिशत पत्रकारले नियमित तलब नपाउने तथ्यांक सार्वजनिक भएको हो। तथ्यांक न्युनतम पारिश्रमिक निर्धारण समितिको अध्ययनमा आधारित हो।
नेपाल पत्रकार महासंघको सदस्य संख्या अनुसार ७ हजार ८ सयले मात्र महिनैपिच्छे तलव पाउँछन्। महासंघमा करिव १७ हजार सदस्य छन्।
कार्यक्रममा शिव सत्याल, कालिका सिवाकोटी र श्रीजन झाले कार्यपत्र प्रस्तुत गर्दै पारिश्रमिक,सुविधा र काम गर्नुपर्ने अवधि तोकिए पनि कार्यान्वयन नभएको, कुल आयको १५ सन्चारकर्मीको क्षमता अभिबृद्दीमा खर्चिनुपर्ने उल्लेख भए पनि खर्चै नगर्ने नगरेको, प्रतिष्ठानमा जटिल समस्या रहेको विषय उठाए।
कार्यक्रममा सहभागीले पत्रकारको तह निर्धारण हुनुपर्ने, कानुन कार्यान्वयन नगर्ने मिडियालाई सरकारी सुविधा कटौती गरि जरिवानाको व्यवस्था हुनुपर्ने प्रस्ताव राखेका छन्।
सरकारले गत वर्ष लोककल्याणकारी विज्ञापन शिर्षकमा २० करोड ४६ लाख खर्च गरेको तर सो रकम लोक कल्याणभन्दा मिडिया हाउसको कल्याणमा खर्चिएको भन्दै यस्तो सुविधा तलव नदिने सन्चारगृहलाई नदिन ध्यानाकर्शण गराएका थिए।
’पत्रकारको पनि परिवार हुन्छ,सन्तान हुन्छन्,विरामीपर्दा उपचार गर्नुपर्छ भन्ने नि हेर्दैनन्,’ अन्र्तक्रिया सहभागी पत्रकार हरिबल्लभ दाहालले भने’ जीवन चलाउन सकिने तलव पाउन नि कठिन छ ।’
कार्यक्रममा न्युनतम पारिश्रमिक निर्धारण समितिका अध्यक्ष गंगाधर पराजुली, न्यूनतम पारिश्रमिक पूनरावलोकन समितिका संयोजक सुरेश आचार्य, पत्रकार महासंघका कार्यवाहक अध्यक्ष विपुल पोखरेल, महासंघका पूर्व अध्यक्ष महेन्द्र विष्ट,महासंघ सचिव रामप्रसाद दाहाल, एसोसिएट अध्यक्ष केपी ढुंगाना, प्रतिष्ठान अध्यक्ष शेखर अधिकारी लगायतकाले कानुन कार्यान्वयमा जोड दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
