बुटवल– प्रदेश नम्बर ५ को सरकार गठन भएको सय दिन पूरा भएको छ। सत्तापक्षका सांसदहरूले सरकारको बचाउ गरेका छन् भने प्रतिपक्षी सांसद तथा व्यवसायीहरूले सरकारले सय दिनमा उपलब्धिमूलक काम गर्न नसकेको आरोप लगाएका छन्।
सरकारका सय दिनका विषयमा बुटवलमा आयोजित साक्षात्कार कार्यक्रममा बोल्ने वक्ताहरुले प्रदेश सरकारको सय दिनको कामबाट आम नागरिकले फरक अनुभूति गर्न नपाएको बताए।
कांग्रेस प्रदेश ५ का संसदीय दलका नेता बलदेव शर्मा पोखरेलले सरकारले जनताको अपेक्षा अनुसार कुनै काम नगरेको बताए। प्रदेश सरकारले भएको पैसा समेत खर्च गर्न नसकिरहेको अवस्थामा अरु केही आशा गर्न नसकिने बताए।
उनले सरकारले केही गर्न लाग्दा प्रतिपक्षीलाई सोध्ने नगरिएको भन्दै मनपरी ढंगले अगाडि बढिरहेको आरोप समेत लगाए।
अर्का वक्ता तत्कालीन नेकपा एमाले ५ नम्बर प्रदेशका प्रमुख सचेतक भूमिश्वर ढकालले १ सय दिनमै सरकारको काम देखिएन भन्नु विरोधका लागि विरोध मात्र भएको बताए। उनले प्रदेश सरकारले शून्यबाट काम सुरु गरेको, बस्ने ठाउँ र मन्त्रालयको समेत सरकार आएपछि नै खोजी भएको भन्दै कामको मूल्यांकन गर्ने समय अझै नभएको बताए।
स्रोत साधन र पूर्वाधारका कारण केही कमी भएको स्विकार्दै अब कामलाई तीव्रता दिने बताए। उनले जेठ २० देखि नीति कार्यक्रम र असार १ गते बजेट ल्याउने बताए।
कार्यक्रममा बोल्दै संघीय 8वादी फोरमका सांसद सहश्रराम यादवले सरकार निर्माणको १ सय दिन पुग्दासम्म सरकारलाई पूर्णता दिन नसक्नु समेत कमजोरी रहेको बताए। उनले छोटो समयमा सरकारले सजिला काम गर्न सक्ने भए पनि त्यो पनि नगरेको आरोप लगाए।
पूर्व सांसद विनोद पहाडीले प्रदेश सरकारले पाइलै नचालेको बताउँदै सबैभन्दा बढी अवसर रहेको यस प्रदेशमा सुरक्षा, महँगी नियन्त्रण लगायतका काममा ठोस कदम नचालिएको आरोप लगाए।
राजनीतिक विश्लेषक दिल साहनीले नेपालमा कम्युनिस्टको सरकार बनेको नभई नाम कम्युनिस्ट राखेर दलाल पुँजीवादीको सरकार बनेको बताए। अहिलेको सरकार विदेशी शक्तिको आशीर्वादमा चल्ने दलाल शक्तिको सरकार भएको उनको आरोप छ। समृद्धिको नारा बकवास भएको बताउँदै युवाशक्ति विदेश हुँदा देश समृद्व नहुने उनको धारणा छ।
प्राध्यापक सुदर्शन नेपालले सरकारका नीति राम्रा भए पनि कार्यान्वयनमा भने निकै फितलो रहेको बताए। केन्द्र सरकार नै गोलमटोल रुपमा चलिरहेकाले प्रदेश सरकार पनि असक्षम देखिएको उनले टिप्पणी गरे।
नेपाल पत्रकार महासंघ रुपन्देहीका पूर्व अध्यक्ष बालकृष्ण चापागाईंले सरकारबाट गरिएको सुरुको आशा क्रमशः निराशामा परिणत भएको बताए।
नेपाल ट्रेड युनियन कांग्रेस रुपन्देही निवर्तमान अध्यक्ष काजीमान श्रेष्ठले सरकारको अनुभूति जनताले प्रतक्ष रुपमा गर्न नपाएको बताए। यस्तै, उद्योग वाणिज्य संघ बुटवलका वाणिज्य उपाध्यक्ष हरि अर्यालले सरकारले शब्दमा सबै गरेको तर काम नगरेको टिप्पणी गर्दै लगानी र व्यवसायमैत्री मार्गचित्र नआउँदा व्यवसायीहरु त्रासमय वातावरणमा रहनुपरेको बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-ink-1735720380-1735720728.jpeg)
