काठमाडाैं- जिल्ला प्रशासन कार्यालय मोरङले तीन दिनसम्म घरघरमा दीप प्रज्वलन गरेर गणतन्त्र दिवस मनाउन उर्दी जारी गरेको छ।
सहायक प्रमुख जिल्ला अधिकारी शरदकुमार पोखरेलको हस्ताक्षरमा जारी सूचनामा जेठ १४, १५ र १६ गते तीन दिनसम्म मोरङ जिल्लाका हरेक घरघरमा दीप प्रज्ज्वलन गरी दीपावली मनाउन आग्रह गरिएको हो।
‘गणतन्त्र दिवस, २०७८ मूल समारोह समितिको निर्णयानुसार मिति २०७८ साल जेठ १५ गते गणतन्त्र दिवसू का अवसरमा यहि जेठ १४, १५ र १६ गते तीन दिनसम्म मोरङ जिल्लाका हरेक घरघरमा दीप प्रज्ज्वलन गरी दीपावली गरी भव्यताका साथ गणतन्त्र दिवस मनाउनु हुन सम्पूर्ण जिल्लावासी आम नागरिकहरुमा अनुरोध छ,’ सूचनामा भनिएको छ।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।