हङकङ- हङकङका नागरिकहरु कोरोनाविरुद्धको खोप लगाउन अनुच्छिक देखिएका छन्। क्यारी लाम सरकारमाथि अविश्वास रहेकाे भन्दै नागरिकहरुले खोप लगाउन अस्वीकार गरेकाे बताइन्छ। हङकङमा ७५ लाख मानिसहरु बसोबास गर्दछन्। यद्यपि हङकङ कोरोनाबाट कम प्रभावित क्षेत्र हो।
हङकङमा हालसम्म ११ हजार ८३७ मा कोरोना पुष्टि भएको छ। २१० को कोरोनाका कारण मृत्यु भएको छ भने ११ हजार ५६१ कोरोनामुक्त भएका छन्। अहिले ६६ सक्रिय कोरोना संक्रमित छन्।
हङकङले ७५ लाख डोज खाेप फाइजर–बायोएनटेक र सिनोभ्याकबाट खरिद गरेको छ। तर, १४ प्रतिशत हङकङबासीले मात्र हालसम्म दुई डोज खोप लगाएका छन्। बाँकी जनसंख्या भने कोरोनाविरुद्धको खोप लगाउन राजी नभएकाे बताइन्छ।
नागरिकले खोप लगाउन अस्वीकार गरेपछि लाखौं डोज खोप फ्याँक्नु पर्ने अवस्था सिर्जना भएकाे सरकारले बताएकाे।
हङकङका सरकारी अधिकारीका अनुसार चाँडै खोप प्रयोग नभए यी खोपको म्याद सकिने अवस्थामा पुगेका छन्। जसका कारण खोप फ्याँक्नु पर्नेहुन्छ। हालको खोप प्रभावकारी नदेखिए अन्य खोप किन्ने सरकारले जनाएकाे छ।
चीनले यतिबेला हङकङमा राष्ट्रिय सुरक्षा कानुन लागु गरेकाे छ। यस्तै चीनले हङकङमा राष्ट्रवादी व्यक्तिलाई मात्र चुनावमा लड्न दिने कानुन पनि पारित गरेकाे छ।
यी कानुनले असुरक्षित भएको हङकङका नागरिक बताउँछन्। कानुनलाई अंगिकार गरेपछि हङकङबासी सरकारप्रति असन्तुष्ट भएका छन्। जसका कारण उनीहरुले खोप लगाउन अस्वीकार गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789792206.jpg)
-1786602170.png)
