काठमाडौं- अन्तर-व्यवस्थापिका संघ (आईपीयू)को २०७औं गभर्निङ काउन्सिलको दुई दिने बैठक मंगलबार भर्चुअल माध्यमबाट सुरु भएको छ।
प्रत्येक ६ महिनामा विभिन्न सदस्य राष्ट्रमा आयोजना हुँदै आएको सम्मेलन कोरोना महामारीका कारण अघिल्लो वर्षदेखि भर्चुअल माध्यमबाट बैठक भएको हो।
काउन्सिलको बैठकमा नेपालको तर्फबाट राष्ट्रिय सभा अध्यक्ष गणेशप्रसाद तिमिल्सिना र राष्ट्रिय सभा सदस्य पार्वती रावल सहभागी छन्।
काउन्सिलको बैठकमा आईपीयूको २०२०को बजेट र २०६औं बैठकका निर्णय समिक्षा भएको छ। त्यसैगरी दोस्रो दिन विभिन्न कमिटीहरुका प्रतिवेदन बारे छलफल हुनेछ।
आईपीयू सम्मेलन पनि हुँदै
आईपीयूको १४२औं सम्मेलन यही बिहीबार र शुक्रबार भर्चअल माध्यमबाटै हुनेछ।
महामारीको समयमा व्यवस्थापिका संघको भूमिका विषयमा छलफल हुने सम्मेलनमा पनि नेपालको संघीय संसदको तर्फबाट अध्यक्ष तिमिल्सिना सहभागी हुने र सम्बोधन गर्नेछन्।
आईपीयूको १४१औं सम्मेलनमा सर्बियाको बेलग्रेडमा २०७६ असोजमा भएको थियो। सो सम्मेलनमा नेपालको संसदको तर्फबाट अध्यक्ष तिमिल्सिना नेतृत्वको ९ सदस्यीय प्रतिनिधिमण्डलले भाग लिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768105924.png)
-1768103406.png)
-1764146706.png)
