काठमाडौं– हेटौंडा अस्पतालमा अक्सिजन प्लान्ट निर्माणको काम शुरु हुने भएको छ। अक्सिजन प्लान्ट निर्माणका लागि मंगलबार अस्पताल र उद्योग संघ हेटौँडाबीच सम्झौता भएको हो।
प्रदेश सरकार, सामाजिक विकास मन्त्रालयको रोहवरमा यही जेठ १६ गतेभित्र निर्माण शुरु हुने गरी सम्झौता भएको हो।
मदन भण्डारी स्वास्थ्य विज्ञान प्रतिष्ठानका रजिष्ट्रार एवं हेटौँडा अस्पताल सञ्चालन, व्यवस्थापन समितिका अध्यक्ष राजेश प्रसाईँ र उद्योग संघ हेटौँडाका अध्यक्ष लेखराज पोखरेलले सोसम्बन्धी सम्झौतापत्रमा हस्ताक्षर गरेका हुन्।
प्लान्ट निर्माणका लागि १ करोड ३० लाख रुपैयाँ खचृ हुने अनुमान संघले गरेको छ। प्लान्ट निर्माणको संयोजन उद्योग संघले गर्ने र आर्थिक जोहो संघसँग आबद्ध उद्योगीले गर्नेछन्।
जेठ १६ गतेसम्ममा ठेकेदारलाई प्लान्ट निर्माणको जिम्मेवारी दिने र त्यसको करिब २०/३० दिनभित्र प्लान्ट जडान भइसक्ने संघका अध्यक्ष पोखरेलले बताए।
प्लान्टले दैनिक २ सय सिलिण्डर अक्सिजन आपूर्ति गर्नसक्ने उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
