आफ्नो ज्यान खतरामा रहेको ‘गोरे’ को भनाइ, हिरासतमै मागे सुरक्षा

ब्लग

नेपाल लाइभ बिहीबार, जेठ १०, २०७५ १४:२९

विराटनगर– सुन तस्करी र सनम शाक्य हत्याकाण्डका मुख्य अभियुक्त चूडामणि उप्रेती ‘गोरे’ ले सुरक्षाको माग गर्दै जिल्ला अदालत मोरङमा निवेदन दिएका छन्।

प्रहरी हिरासतमै आफू असुरक्षित रहेकाले मानव अधिकारीवादी संस्थाको रोहबरमा हिरासतमा बस्ने व्यवस्था मिलाइ दिन उनले माग गरेका छन्।

गोरेले बुधबार अदालतमा दिएको निवेदनमा मानव अधिकारीवादी संस्थाको रोहबरमा हिरासतमा बस्ने व्यवस्था मिलाइदिन आदेशका लागि माग गरेका छन्। अधिवक्ता यमबहादुर थापा मगरले गोरेको तर्फबाट अदालतमा निवेदन दर्ता गराएका हुन्। गोरे अहिले जिल्ला प्रहरी कार्यालयको हिरासतमा छन्।

सुन तस्तरी प्रकरणको छानबिनका लागि पक्राउ परी प्रहरी हिरासतमै एक जनाको मृत्यु भइसकेकाले आफ्नो ज्यान पनि खतरामा रहेको उनको निवेदनमा उल्लेख छ। गृह मन्त्रालयका सह–सचिव ईश्वर पौडेल संयोजकत्वको टोलीले पक्राउ गरेका प्रेमलाल चौधरीको महानगरीय प्रहरी परिसर सिंहदबारको हिरासतमा शंकास्पद मृत्यु भएको थियो।

गत चैत २९ गते काठमाडौंबाट पक्राउ परेका नेपाल एयरलाइन्समा कार्यरत चौधरी चैत ३० गते प्रहरी हिरासतमा मृत भेटिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डिल्लीबजारको सडक पेटीमा एक जना पुरुष मृत फेला

शेयर बजारमा हरियाली, ६ अर्ब बढीको कारोबार

राज्य व्यवस्थामा सांसद थानी र सभापति खतिवडाबिच चर्काचर्की