विराटनगर– सुनसरीको इटहरीमा आज यात्रु बस दुर्घटना हुँदा १ जनाको मृत्यु भएको छ भने २१ जना घाइते भएका छन्।
धरानबाट सिरहा जाँदै गरेको ना ४ ख ४२५८ नम्बरको बस इटहरी उपमहानगरपलिका २० स्थित कोसी राजमार्गमा अनियन्त्रित भई सडकबाट तल खसेको थियो। दुर्घटनामा सिरहा नगरपालिका १९ का ६५ वर्षीय रामआशिष यादवको घटनास्थलमै मृत्यु भएको इलाका प्रहरी कार्यालय इटहरीले जनाएको छ।
घाइते सबैको धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको छ। बसका चालकलाई पनि नियन्त्रणमा लिइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
