फाइल तस्बिर
काठमाडौं- भारतका लागि नेपाली राजदूत निलाम्बर आचार्यले भारतबाट अहिले दैनिक ४५ सय नेपालीहरु नेपाल प्रवेश गरिरहेको बताएका छन्। मंगलबार प्रतिनिधि सभा अन्तर्गतको ‘महिला तथा सामाजिक समिति’को भर्चुअल बैठकमा उनले त्यसबारे जानकारी गराएका हुन्।
‘अहिले दैनिक ४५ सय नेपाली भारतबाट नेपाल गइरहेको देख्छौँ। सबैभन्दा चाप सुदूरपश्चिममा रहेको छ’, उनले भने।
राजदूत आचार्यले भारतमा अहिलेसम्म कोरोनाबाट २३ नेपालीको निधन भएको तथ्यांक दूतावाससँग रहेको बताए। तर त्यो आधिकारिक तथ्यांक भने नभएको उनको भनाइ छ। ‘हामीसँग पनि पूरा तथ्यांक छैन। २३ जनाको निधन भएको तथ्यांक मात्रै छ। तर यो अपुरो छ’, उनले भने।
उनले संक्रमित भएर अस्पताल भर्ना भएका नेपालीका बारे जानकारी आएपछि आफूहरुले अस्पतालाई नै फोन गरेर सहयोग गर्न अनुरोध गर्ने गरेको बताए।
मंगलबार महिला तथा सामाजिक समितिले भारतमा रहेको मजदुरहरुको अवस्थालाई राजदूत आचार्य, भारतमा रहेका प्रवासी नेपाली संगठनका प्रतिनिधि र महिला तथा सामाजिक मन्त्रालयको प्रतिनिधित्व थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769827973.png)
-1764146706.png)
