सप्तरीको भेडिया बजारमा आगलागी, ४ घर जले

ब्लग

नेपाल लाइभ बुधबार, जेठ ९, २०७५ ०५:४१

राजविराज– सप्तरीको सुरुङ्गा नगरपालिका २ भेडिया बजारमा आगलागी हुँदा ४ घर जलेर करिब ४० लाख मूल्य बराबरको क्षति भएको छ।

आनन्द विश्वकर्माको घरबाट आज बिहान ५ बजे सुरु भएको आगोले उनका २ र हृदयनारायण चौधरीका २ वटा घर जलेर नष्ट भएका छन्। आगलागीमा आनन्दको घरमा रहेको औषधि पसल पनि जलेको स्थानीयले जनाएका छन्।

पसलमा भएको सम्पूर्ण समान, नगद तथा दुवै जनाको घरमा भएको खाद्यान्न, फर्निचर र लत्ताकपडा समेत जलेर नष्ट हुँदा करिब ४० लाख भन्दा बढीको क्षति भएको प्रहरीले जनाएको छ।

स्थानीयवासी, दमकल र प्रहरीको सक्रियतामा १ घन्टापछि आगो नियन्त्रणमा आएको छ। आगलागीको कारण खुल्न सकेको छैन। विद्युत सर्ट भएर आगलागी भएको हुन सक्ने अनुमान छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केयूको उपकुलपतिका लागि पिएचडीको न्यूनतम योग्यता राखिएकोमा चिकित्सकहरुको विरोध

प्रहरी अस्पतालका ४ जना इन्स्पेक्टरलाई डीएसपीमा बढुवा गर्न सिफारिस

छिन्नमस्ता गाउँपालिकाले कृषि विद्युत् बिल तिरिदिने