डिआईजीहरुलाई गृहमन्त्रीको निर्देशन– तपाईहरुलाई विश्वास गरेर जिम्मेवारी दिएका छौं, विश्वास पुरा गर्नुहोला

ब्लग

नेपाल लाइभ आइतबार, जेठ ६, २०७५ १२:०९

काठमाडौैं– गृहमन्त्री रामबहादुर थापा ‘बादल’ले तस्करी र भ्रष्टाचारलाई निस्तेज हुने गरी काम गर्न डिआईजीहरुलाई निर्देशन दिएका छन्। प्रदेश प्रमुख, महानगरीय प्रहरी कार्यालय र विभिन्न ब्यूरोमा जिम्मेवारी पाएका डिआईजीहरुलाई निर्देशन दिदै आइतबार गृह मन्त्रालयमा उनले यस्तो बताएका हुन्।

देशमा रहेका सबै किसिमका सिण्डिकेट अन्त्य हुने गरी काम गर्नुपर्नेमा थापाको जोड थियो।

‘यातायात क्षेत्रको सिण्डिकेट अन्त्यको प्रक्रियामा छ। अब स्वास्थ्य, शिक्षा देखि तरकारीसम्ममा रहेको सिण्डिकेट अन्त्य गर्न जरुरी छ। तपाईहरुले अब सम्हाल्ने कार्यक्षेत्रमा रहेका ती सबै किसिमका सिण्डिकेट हटाउनुहोस्,’ उनले भने,‘ गृहमन्त्रालयले तपाईहरुलाई विश्वास गरेर यो जिम्मेवारी दिएको छ ,सबै जिम्मेवारी आफैमा महत्वपुर्ण छन् । हाम्रो अपेक्षा र विश्वाँस तपाईहरुले पुरा गर्नुहुनेछ।’
सरकारको लक्ष्य विकास र समृद्धि रहेको भन्दै त्यसका लागि सुशसान कायम गर्नु पहिलो शर्त बताउदै उनले भने, ‘त्यो सुशासन कायम गर्ने प्रमुख जिम्मेवारी गृह मन्त्रालयको हो र त्यसमा पनि सुरक्षा निकायको प्रमुख जिम्मेवारी हो ।’

प्राकृतिक स्रोत र साधनको दोहन भईरहेको भन्दै आफ्नो प्रदेशमा तत्काल त्यो रोक्न पनि प्रदेश प्रहरी प्रमुखलाई निर्देशन दिएका छन्। हालै बढुवा भएका सात डिआईजीलाई सरकारले प्रदेश इन्चार्जमा पठाएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाकिस्तानी दिदीबहिनीले आफ्नो बलात्कार गर्ने बाबुलाई पेट्रोल छर्केर आगो लगाए

न्याय सेवा आयोगका साढे दुई सय कर्मचारीको सरुवा

नवलपरासीमा विद्यालयका लेखापाल र व्यवस्थापन समितिका सदस्य घुससहित पक्राउ