इलाममा भरुवा बन्दुकसहित पाँच जना पक्राउ

ब्लग

नेपाल लाइभ शनिबार, जेठ ५, २०७५ १२:३३

मंगलबारे, इलाम- प्रहरीले चुलाचुली गाउँपालिकाबाट भरुवा बन्दुकसहित पाँच जनालाई पक्राउ गरेको छ।

प्रहरीले चुलाचुली गाउँपालिका वडा नं १ का नयन फागो, पोवेन फागो, विवस फागो, विश्वजित चेम्जोङ र पासाङ तामाङलाई पक्राउ गरेको हो। उनीहरुको साथबाट बिना इजाजतको एक थान भरुवा बन्दुक समेत बरामद गरेको जिल्ला प्रहरी कार्यालय इलामले जनाएको छ।

उनीहरुलाई यही जेठ १ गते पक्राउ गरिए पनि शनिबार मात्र सार्वजनिक गरिएको हो।

प्रहरी चौकी, पेल्टीमारीको गस्ती टोलीले पाँचै जनालाई बन्दुकसहित पक्राउ गरी जिल्ला प्रहरी कार्यालयमा पठाएको थियो। उनीहरुलाई हातहतियार तथा खरखजानाअन्तर्गत मुद्दा दायर गरी अनुसन्धान भइरहेको प्रहरीले जनाएको छ।

यसअघि सोही ठाउँबाट प्रहरीले एक थान बेवारिसे भरुवा बन्दुक फेला पारेको थियो। बेवारिसे बन्दुक फेला पारेपछि थप अनुसन्धान गर्ने क्रममा उनीहरुलाई पक्राउ गरिएको जनाइएको छ। (रासस)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

संसदीय समितिमा राजकिशोर यादव र प्रेम सुवालबीच चर्काचर्की

सहकारी ठगी प्रकरण: रवि लामिछानेसहितको थुनछेक बहस सकियो, आजै आदेश आउने सम्भावना

नाबालिका बलात्कार आरोपमा पक्राउ परेका लामा एमालेबाट निलम्बित