लुट फिल्मका निर्मातासहित ६ जनालाई थुनामा राख्न अदालतको आदेश (भिडियो)

ब्लग

नेपाल लाइभ बुधबार, जेठ २, २०७५ १३:४३

काठमाडौं– फिल्मको सुटिङ प्रयोजनका लागि छापिएको नक्कली नोट दुरुपयोग गरेको आरोपमा पक्राउ परेका निर्माता माधव वाग्लेसहित ६ जनालाई ५ दिन थुनामा राख्न अदालतले म्याद दिएको छ। खोटाचलन मुद्दामा उनीहरुलाई थुनामा राखेर अनुसन्धान अघि बढाउन अदालतले म्याद दिएको महानगरीय प्रहरी परिसर काठमाडौंका एसएसपी विश्वराज पोखरेलले बताए।

‘चंगा चेट’ फिल्मको सुटिङका लागि भनेर उनीहरुले साढे दुई करोड रुपैयाँ भन्दा धेरै नक्कली नोट छापेका थिए। त्यो नोट बजारमा दुरुपयोग भएपछि प्रहरीले वाग्लेसहित प्रकाश सुवेदी, सुजित तामाङ, साजन तामाङ, महेन्द्र बोगटी र विकेश नापितलाई पक्राउ गरेको हो।

उनीहरुबाट २ करोड ६० लाख ६३ हजार रुपैयाँ नक्कली भारु बरामद भएको प्रहरीले जनाएको छ।

लुट लगायत फिल्म बनाएका निर्माता वाग्लेले भने केही व्यक्तिहरुको गल्तीले आफुहरुलाई समेत फसाइएको बताए।

महेन्द्र बोगटी नामक व्यक्तिले नयाँ बसपार्कको सुमधर क्याफेमा खाजा खाई नक्कली नोट दिएका थिए। क्याफेका सञ्चालकले तत्कालै प्रहरीलाई खबर गरी उनलाई पक्राउ गराएका थिए। उनीमाथि पक्राउ गर्ने क्रममा फिल्मको सुटिङबाट पैसा दुरुपयोग भएको खुलेको हो।

सही नियतले नै आफुले सो नोट छापेको र केही ‘केटा’हरुले गल्ती गर्दा आफुहरु पनि फसेको उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अब बैंक खाता खोल्न राष्ट्रिय परिचयपत्र चाहिने

धरौटी रकम बुझाएर अदालतबाट निस्किए रवि

बेलबारी भिडन्तका बेला राखिएको बम २१ वर्षपछि ‘डिस्पोज’