२२औं पटक सगरमाथा आरोहण गर्दै कामी रिता शेर्पाले बनाए विश्व कीर्तिमान

ब्लग

नेपाल लाइभ बुधबार, जेठ २, २०७५ ०८:३५

काठमाडौं- सगरमाथाको सफल आरोहण गरी कामी रिता शेर्पाले विश्व कीर्तिमान कायम गरेका छन्।

२२औं पटक सफल आरोहण गर्दै शेर्पा सबैभन्दा धेरै पटक सगरमाथाको चुचुरोमा पुग्ने आरोही बनेका हुन्। ४८ वर्षीय शेर्पा सोलुखुम्बुको थामे गाउँका हुन्। यसअघि २१ पटक सगरमाथाको आरोहण गरेको कीर्तिमान उनी र अन्य दुई नेपाली आरोहीले राखेका थिए।

आरोहणको चौथो दिन शेर्पाले सगरमाथाको चुचुरो टेकेका हुन्।

यस वर्षको वसन्त ऋतुमा उनीसहित ६० भन्दा बढी आरोहीले सगरमाथाको सफल आरोहण गरिसकेको आधार शिविरस्थित सम्पर्क अधिकृत ज्ञानेन्द्र श्रेष्ठले जानकारी दिए।

मंगलबार खराब मौसमका कारण आरोहण हुनसकेको थिएन। अहिले अनुकूल मौसमका लागि आरोहीहरु प्रतीक्षामा छन्। (रासस)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तराईमा शीतलहर: बढ्दो जोखिममा पूर्वतयारी सुस्त

न्याय प्रणालीमा विश्वास गर्ने ठाँउ भएको सभापति रवि लामिछानेको भनाइ

वडाध्यक्षको तरकारीखेती मोह