इसिडी शिक्षक न्याय माग्दै सिंहदरवार

ब्लग

नेपाल लाइभ मंगलबार, जेठ १, २०७५ ०९:०२

काठमाडौं– अस्थायी शिक्षक, विद्यालय कर्मचारी पछि प्रारम्भिक बाल विकास (इसिडी)मा कार्यरत शिक्षक पनि आन्दोलित बनेका छन्।

शिक्षा ऐनको आठौं संशोधनले इसिडीलाई विद्यालय तहमा समायोजन गरे पनि मासिक ६ हजारमा काम गर्न वाध्य भएको भन्दै देशभरका इसिडी शिक्षकहरुका प्रतिनिधि न्याय माग्दै सिंहदरबार पुगेका हुन्।

उनीहरुले शिक्षा, विज्ञान तथा प्रविधिमन्त्री गिरिराजमणि पोखरेललाई ज्ञापनपत्र बुझाएका छन्।

इसिडी शिक्षकहरुले अन्य शिक्षक सरह सेवा सुविधा हुनुपर्ने माग गरेका छन्। बालविकास संघर्ष समितिको नेतृत्वमा मन्त्रालय पुगेका इसिडी शिक्षकहरुले शिक्षामन्त्री पोखरेललाई भेटेर देशभरका ३६ हजार ९३ इसिडी शिक्षकलाई बाच्न पुग्ने सेवा–सुविधा उपलब्ध गराइदिने आग्रह गरे।

संघर्ष समितिकी अध्यक्ष एवं कृष्णामा मावि बाँकेकी इसिडी शिक्षक कृष्णा थापाले शिक्षामन्त्री पोखरेललाई ज्ञापन पत्र बुझाउँदै स्नातक र स्नात्तकोत्तर गरेका र शिक्षक लाइसेन्स भएका इसिडी शिक्षकहरु मासिक ६ हजारमा काम गर्न वाध्य रहेको बताइन्।

बालबालिकाको भविष्य निर्माणको आधार बालविकास रहेको भने पनि त्यसमा काम गर्ने इसिडी शिक्षकहरुमाथि सरकारले नै विभेद गरेको उनले आरोप लगाइन्। तत्काल प्रावि शिक्षक सरह सेवा–सुविधा नपाए आन्दोलन सुरु गर्ने थापाले चेतावनी दिइन्।

समैजी आधारभूत विद्यालय कैलालीकी इसिडी शिक्षक पार्वती कँडेलले आफूहरु दुई महिनाको तलव खर्च गरेर न्याय माग्न राजधानी आएको बताइन्। अहिलेको जमानामा पनि मासिक ६ हजारमा काम गराएर आफूहरुमाथि राज्यले श्रम शोषण गरिरहेको उनको आरोप थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तराईमा शीतलहर: बढ्दो जोखिममा पूर्वतयारी सुस्त

न्याय प्रणालीमा विश्वास गर्ने ठाँउ भएको सभापति रवि लामिछानेको भनाइ

वडाध्यक्षको तरकारीखेती मोह