काठमाडौं- प्रधानमन्त्री केपी शर्मा ओलीले पुष्पकमल दाहाल प्रचण्ड र माधवकुमार नेपाल पक्षको टाउको मात्र ठूलो भएको तर जनाधार नभएको आरोप लगाएका छन्। उनले जनताको आधार उनीहरुसँग नभएकाले टाउकोमात्र देखिएको दाबी गरेका छन्।
उनले देश बनाउन सरकार चलाउने समयमा बैठक बस्न पर्यो भनेर नै समय बर्बाद भएकाले संसद विघटन गरेको दाबी गरेका छन्। दुनियालाई तमासा देखाएर प्रर्दशन देखाएर केही हुँदैन। कसैलाई लहड चलेर स्पस्ष्टीकरण माग्यो। गलत मनासाय र नियतका साथ अध्यक्षमाथि स्पष्टीकरण भनी सोधियो। यो तमासा थियो‚’ ओलीले भने‚ ‘प्रथम अध्यक्षलाई आरोप लगाउनुअघि ५६ वर्षअघि नै नयाँ आन्दोलन सुरू गरेको थियो भन्ने ख्याल हुनुपर्ने थियो।’
जनताले एकता बिगार्ने यस्ता मान्छेलाई भोट नदिने भन्दै अग्रगमनको बाटोमा जानेहरू भनेर मत दिने दाबी उनले गरे। ‘संसद पुनर्स्थापना गरेर फेरी तिकडम गर्छु भन्ने आशय नराखे हुन्छ। चुनाव भयो भने कुनै तिकडम हुँदैन भनेर भाग्नु भएको हो‚’ ओलीले भने‚ ‘उहाँहरु चुनाव सम्झनुहुन्छ‚ झस्याङ्ग हुनुहुन्छ। अनि भाग्नुहुन्छ र आरोप लगाउनुहुन्छ।’ संसद विघटन गर्नुको कारण नै सरकारलाई काम गर्न नदिएर धराप थापेकाले भएको उनले दाबी गरे।
‘सरकारलाई गतिशील भएर अघि बढाउनुपर्ने समयमा केमा अल्झिनुपर्ने गफ फिट्नेहरुको बैठकमा बसेर बिताउनुपर्यो‚’ ओलीले भने‚ ‘सधैं बैठक बस्नुपर्यो‚ बैठक बस्नुपर्यो भनेर धेरै लामा लामा बैठक बस्नुभन्दा छोटा छोटा बैठक बस्नु उचित हो। त्यसैले ताजा जनादेशमा जाऔं।’
यो राजनीति भएकाले लहडमा नलागी फर्कन ओलीले आग्रह गरे। ‘म फेरि पनि आग्रह गर्छु‚ अनुशासनहीन भएर नहिँड्नुस फेरि आउनुस्‚’ ओलीले भने‚ ‘हामी तपाईं आएको हेर्न चाहान्छौँ। फेरि हटाउन नपरोस्। फेरि पनि सम्हालिनुस्। सडकमा उत्रिएर‚ ज्यान जोखिममा राखेर यत्रो परिर्वतन ल्याएकै हो।’
नयाँ जनादेशका लागि जनतामा जाने निर्णय गरेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775455666-1775459306.jpeg)
-1764146706.png)
