तस्बिर-दिनेश थपलिया
काठमाडौं–नेपाली कांग्रेसका महामन्त्री डा शशांक कोइरालाले १४ औं महाधिवेशनमा कोइराला परिवारबाट एकजना मात्र उम्मेदवार हुने बताएका छन्।
सरकारविरुद्धको विरोध प्रदर्शनका लागि विराटनगर पुगेका शशांकले कोइराला परिवारबाट तीनमध्ये एक जनामा सहमति हुने बताए। कोइराला निवासमा पत्रकारसँग कुरा गर्दै उनले एक जनाभन्दा बढी कोइराला परिवारमा उम्मेदवार नहुने बताए।
भारतको विहारमा कोरोना संकटकै बेला निर्वाचन भएकाले कांग्रेसको महाधिवेशन रोक्न नहुने उनले बताए। फागुनमा महाधिवेशन सम्भव नरहेको उनकाे भनाइ छ। पत्रकारसँगको संक्षिप्त भेटघाटमा उनले कांग्रेसको महाधिवेशन धेरै पर सार्न नहुने बताए।
विराटनगरको मौसम धेरै चिसो भएकाले सरकारविरुद्धको प्रदर्शन केही ढिलो हुन सक्ने बताइएको छ।
नेता डा शेखर कोइराला भने उपचाररत दाइलाई भेट्न दिल्ली गएका छन्। शेखरका दाइ निरञ्जन कोइराला दिल्लीमा अस्पताल भर्ना भएर उपचार गराइरहेका छन्। पाँच दिन अघि दिल्ली गएका शेखर तीन दिनपछि फर्कने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1776337761.png)
-1776332923.jpg)
-1764146706.png)
