काठमाडौं- अस्ट्रेलियाविरुद्धको तीन खेलको एकदिवसीय अन्तर्राष्ट्रिय क्रिकेट खेलमा भारत हारिरहँदा धेरै समर्थक र दर्शकको खोजी रोहित शर्मामा थियो। अस्ट्रेलिया टुरमा उपकप्तान रोहित शर्मा किन परेनन्? विभिन्न दृष्टिकोण र खेलाडीहरुको सम्बन्धबाट केलाउन थालिएको छ।
अन्ततः भारतले एकदिवसीय क्रिकेट सिरिज २-१ ले अस्ट्रेलियालाई सुम्पियो। तर टि-२० क्रिकेट सिरिज भने एक खेलअघि नै आफ्नो पक्षमा पार्यो। हार जित आफ्नो ठाउँमा छ। तर अस्ट्रेलिया टुरमा उपकप्तान रोहित शर्मालाई एकदिवसीय र टि-२० क्रिकेट सिरिजमा किन टिममा सामेल गरिएन? प्रश्न राख्ने ठाउँहरु प्रशस्तै छन्। राखिरहेका छन् पनि।
कप्तान विराट र रोहितबीचको मनमुटाव पहिलो पटक सन् २०१९ मा इंग्ल्यान्डमा भएको विश्वकपमा भारतले खेलिरहँदाबाट सुरु भयो। न्युजिल्यान्डविरुद्धको सेमिफाइनल खेललाई छाड्ने हो भने रोहितले त्यो विश्वकपमा शानदार प्रदर्शन गरेका थिए। त्यो बेला कप्तान विराटको सबैभन्दा ठूलो साहारा पनि बन्न उनी सफल भएका थिए। तर विराटले रोहितको प्रदर्शन र खेलकौशलको तारिफ गरेनन् जति एउटा जिम्मेवार कप्तानको रुपमा गर्नु पथ्र्यो।
कप्तान विराट र रोहित विश्वकै उत्कृष्ट मध्येका खेलाडी हुन्। यी दुई खेलाडीमध्ये एकले एक कदम अगाडि बढेर यो मनमुटावलाई चिर्ने प्रयास गरेका छैनन्। यदि यस्तो भएको भए यी दुई खेलाडी मैदान बाहिर ड्रेसिङ रुममा बसेर आपसमा कुरा गर्ने थिए, या कुनै खेलपछि प्रेस कन्फ्रेन्समा एकसाथ आउन सक्थे। किनकी विश्व कप क्रिकेटपछि पनि यी दुई खेलाडीले धेरै पटक साथसाथै भारतीय टिमबाट खेले।
विराट र रोहितबीच किन बढिरहेको दूरी?
पछिल्लो समयमा कप्तान विराट कोहली र रोहित शर्माबीच सम्बन्ध राम्रो छैन। कप्तान विराट र रोहितबीचको सम्बन्ध राम्रो नरहेको कुरा अस्ट्रेलिया भ्रमणबाट झनै छर्लंग हुन्छ। अझ गजबको कुरा त के छ भने, विराट कोहली १७ तारिखबाट सुरु हुने पहिलो टेस्ट खेल सकेपछि विदामा घर फर्किने छन्। रोहित शर्मा ११ तारिखमा अस्ट्रेलिया पुग्नेछन्। १४ दिनको क्वारेन्टाइनमा बस्दा उनले पहिलो टेस्ट गुमाउने छन् भने दोस्रो टेस्ट खेलबाट मात्रै उनी टिमसँग उपलब्ध हुने छन्। जहाँ विराट घर फर्किसकेका हुनेछन्। यसले पनि कप्तान विराट र रोहितबीचको दूरी बढिरहेको देखाउँछ।
सफलताको यात्रामा सवार विराट र रोहितको ‘अहम’ का कारण यी दुई खेलाडीबीच दूरी बढिरहेको हुन सक्छ। दुरी यसरी बढिरहेको छ कि अस्ट्रेलिया पुगेपछि कप्तान विराटले सिरिज सुरु हुनु एक दिनअघि पत्रकार सम्मेलनमा भनेका थिए कि रोहित शर्माको चोटको बारेमा पूरा सूचना छैन। पत्रकार सम्मेलनमा विराटले रोहित शर्मा टिमसँगै किन नआएको आफूलाई थाहा नभएको बताएका थिए।
विराट र रोहितबीचको भित्री विवाद एक प्रकारको ज्वालामुखी जस्तै भइसकेको छ। भित्रभित्रै दबिएर तातिएर बसेको छ। कुन बेला विष्फोट हुने हो थाहा छैन। पछिल्लो समय विराट र रोहितबीच आपसी संवादमा यति कमी छ कि दुबै खेलाडी खुलेर कुरा गर्न पनि चाहेका छैनन्।
रोहितको भूमिकाप्रति पनि प्रश्न उठ्न थालेको छ, किनकी उनले पनि आफ्नो चोटको बारेमा खुलेर कुरा राख्नुपर्छ।
बिसिसिआई के गरिरहेको छ?
कप्तान र उपकप्तानबीचकै विवादले भारतीय क्रिकेटको मुख्य निकाय बिसिसिआईको साखको पनि सवाल छ। यस्तो मामलामा बिसिसिआई मुकदर्शक सावित भइरहेको छ। बिसिसिआईको ब्यवहारमा कतै पनि परिपक्वता देखिएको छैन।
जब कि सुनिल गावास्कर र कपिल देव अझै पनि आफ्नो समयको विवादको बारेमा सफाइ दिइरहेका छन्। सन् १९८४-८५ मा इंग्ल्यान्डले भारत भ्रमण गरेको बेला भारतीय क्रिकेट टिमको कप्तानमा गावस्कर थिए। दिल्लीमा भएको टेस्ट क्रिकेट खेलपछि टिमबाट कपिल देवलाई हटाउँदै मोहम्मद अजहरुद्दिनलाई टिममा सामेल गरिएको थियो। यसबाहेक एक पटक भारतीय कप्तान महेन्द्रसिंह धोनी इंग्ल्यान्डमा पूरै टिमसँग पत्रकार सम्मेलनमा आउनु परेको थियो। कप्तान धोनी र विरेन्द्र सेहवागबीच कुनै विवाद नभएको देखाउनका लागि टिमसँगै कप्तान धोनी पत्रकार सम्मेलनमा पुगेका थिए। तर सबै जान्दछन् कि पछि महेन्द्रसिंह धोनी र विरेन्द्र सेहवाग मात्रै हैन, गौतम गम्भिर, भिभिएस लक्ष्मण र राहुल द्रविडबीचको सम्बन्ध कस्तो अवस्थासम्म पुग्यो।
किन कप्तान विराट र रोहितबीच विवाद मच्चियो त? बिसिसिआईले राम्रो अध्ययन गरी निष्कर्षमा पुग्नु पर्छ। कप्तान र उपकप्तानकै जुधाईले आखिर दुईलाई मात्रै हानी गर्ने होइन। यसका छिटाहरु अन्य खेलाडीमा पनि पर्ने हो। बिसिसिआईको साख पनि यो विवादले जान सक्छ। त्यसैले बिसिसिआई मुकदर्शक बन्नु हुँदैन।
पूर्वक्रिकेटर तथा खेलाडी चयनकर्ता रहेका अशोक मल्होत्रा यो विवाद एउटा तमासा बनेको बताउँछन्। उनले भनेका छन्, ‘यो विषय पूरा तमाशा बनेको छ। यदि बिसिसिआई र चयनकर्ता पारदर्शी रहन्छन् भने सायद सबैको लागि यो राम्रो हुन्छ।’
भारतीय क्रिकेटमा कत्तिको असर?
विराट र रोहितको विवादले भारतीय क्रिकेटको लागि कतिको असर गर्छ? अशोक मल्होत्राको विचारमा यो पक्कै पनि राम्रो संकेत होइन।
उनी भन्छन्, ‘एकतर्फ विराट कोहली पहिलो टेस्ट खेल सकेपछि घर फर्किदै छन्। दोस्रोतर्फ रोहितलाई टेस्ट क्रिकेट सिरिजको लागि टिममा राखिएको छ। जबकि उनी एकदिवसीय क्रिकेटको ब्याट्सम्यानमा बादशाह नै हुन्। पाँच शतक उनले विश्वकपमै लगाएका छन्।’
एकदिवसीय र टि-२० क्रिकेटमा जति महत्वपूर्ण विराट छन्, त्यति नै महत्वपूर्ण रोहित पनि छन्। कुरा रह्यो टेस्ट क्रिकेटको। यदि रोहित शर्मा ११ डिसेम्बरमा अस्ट्रेलिया जान्छन् भने निश्चित रुपमा भरातीय टिमलाई धेरै महंगो सावित हुनेछ।
विराट र रोहितबीचको संवाद नहुनुलाई लिएर पूर्वक्रिकेटर मदन लाल त्यसमा विराट कोहलीको कुनै गल्ती नभएको बताउँछन्। उनी भन्छन्, ‘रोहित शर्मालाई जब अनफिट घोषित गरिएको थियो तब पनि उनले मुम्बई इन्डियन्सको लागि आइपिएल खेल खेले। त्यसरी खेल्दा के उनको चोट ठीक भइसकेको थियो या झन बल्झेको थियो? उनले राम्रो ब्याटिङ पनि गरे। तर सबैभन्दा अनफिट हुने सम्भवना टि-२० क्रिकेटमै हुन्छ।’
-बिबिसी हिन्दीबाट अनुवादित
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
