दार्चुला–दार्चुलामा आईतबार राति ट्रक दुर्घटना हुँदा ३ जनाको मृत्यु भएको छ। शैल्यशिखर नगरपालिका ९ गोकुलेश्वरबाट दार्चुला सदरमुकाम खलंगातर्फ जाँदै गरेको ना ३ ख ३४८५ नम्बरको खाली ट्रक मालिकार्जुन गाउँपालिका १ भर्तोलामा दुर्घटनामा परेको जिल्ला प्रहरी कार्यालय दार्चुलाका प्रहरी निरीक्षक तथा सूचना अधिकारी पुष्कर सिंह ऐरीले जानकारी दिए।
दुर्घटनामा तीन जनाको घटनास्थलमै मृत्यु भएको छ। मृत्यु हुनेमा बैतडीका न्वाली घर भएका चालक २४ वर्षीय शेरसिंह कार्कीको परिचय खुलेको छ। अन्य दुई जनाको परिचय खुल्न बाँकी रहेको ऐरीले बताए।
आईतबार राति १० बजे ट्रक दुर्घटनामा परेको खबर प्रहरीलाई आएपछि धाप प्रहरी चौकी र दत्तु प्रहरी चौकीका प्रहरीलाई दुर्घटनास्थलमा परिचालन गरिएको थियो।
प्रहरीले राति साढे १२ बजेतिर ट्रक खोल्सामा खसेको र तीन जनाको मृत्यु भइसकेको अवस्थामा फेला पारेको प्रहरीले जनाएको छ। ट्रक सडकबाट झण्डै १ सय २० मिटर तल खसेको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
