काठमाडौं–जल तथा मौसम विज्ञान विभाग मौसम पूर्वानुमान महाशाखाले आज तीन वटा प्रदेशका उच्च पहाडी तथा हिमाली भूभागका केही स्थानमा हल्का हिमपातको सम्भावना रहेको जनाएको छ।
महाशाखाले आज गण्डकी प्रदेश, बागमती र प्रदेश १ का उच्च पहाडी तथा हिमाली भेगमा हल्का हिमपात हुने जनाएको हो।
यस्तै, प्रदेश १, प्रदेश २, बागमती र गण्डकी प्रदेशमा आंशिकदेखि सामान्य बदलि रही पहाडी भू(भागका एक वा दुई स्थानमा हल्का वर्षाको सम्भावना रहेको र बाँकी भू(भागमा मौसम सामान्यतया सफा रहने जनाइएको छ।
आज राति प्रदेश १ मा आंशिक बदलि रही बाँकी भूभागमा मौसम सफा रहने र शनिबार देशका पहाडी भू(भागमा आंशिक बदलि रही बाँकी भू(भागमा मौसम सफा रहने महाशाखाले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
