नवलपरासीको मदरसामा कम्प्युटर, मदरसा शिक्षालाई आधुनिक बनाउने पहल

ब्लग

नेपाल लाइभ सोमबार, वैशाख २४, २०७५ ०२:१६

नवलपरासी- पश्चिम नवलपरासीको प्रतापपुर गाउँपालिकामा स्थित मुस्लिम समुदायका बालबालिकाले अध्ययन गर्ने मदरसामा जिल्लामै पहिलो पटक कम्प्युटर शिक्षाको अध्यापन शुरु गरिएको छ।

प्रतापपुर गाउँपालिका–६ मा मदरसा मदिनतूल ओलुम विद्यालयमा कम्प्युटर शिक्षाको अध्ययन शुरु गरिएको हो। मदरसा शिक्षालाई आधुनिकीकरण बनाउन मदरसाले यस जिल्लामा पहिलो पटक कम्प्युटर शिक्षा सञ्चालन गरेको हो।

२०६५ मा धार्मिक विद्यालय मदरसाका रुपमा स्थापना भएको उक्त मदरसामा उर्दुका साथै नेपाली, गणित, सामाजिक, विज्ञान, अंग्रेजीलगायत विषयमा विद्यार्थीले शिक्षा प्राप्त गर्दै आएका छन् भने यससँगै अब कम्प्युटर शिक्षाको अध्ययन पनि थपिएको छ।

निमाविसरहको शिक्षा प्रदान गर्दै आएको मदरसामा १ सय ६५ मुस्लिम विद्यार्थीले पठनपाठन गर्दै आएको र १० शिक्षक-शिक्षिका कार्यरत रहेको मदरसाका प्रअ अमिर आजम मियाँले बताए। नवलपरासीमा पठनपाठनका लागि धार्मिक रुपमा सञ्चालित ५२ मदरसा, १ गुरुकुल र एक गुम्बा छन्। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड