काठमाडौं- नेकपा नेता तथा सचिवालय सदस्य ईश्वर पोखरेलले अध्यक्ष पुष्पकमल दाहाल प्रचण्डको राजनीतिक प्रतिवेदनमाथि प्रधानमन्त्री केपी शर्मा ओलीले प्रत्युत्तर लेख्ने बताएका छन्। पार्टी केन्द्रीय कार्यालयमा सञ्चारकर्मीहरूसँग कुराकानी गर्दै पोखरेलले यस्तो बताएका हुन्। उनले अध्यक्ष ओलीमाथि लगाएका आरोप अब दाहाल पक्षले पुष्टि गर्नुपर्ने बताए।
प्रचण्डले सचिवालय बैठकमा पेस गरेको प्रतिवेदन सार्वजनिक भइसकेकाले अब फिर्ता गर्नुको औचित्य नभएको र आफूमाथि लागेका आरोप अध्यक्ष एवं प्रधानमन्त्री ओलीले प्रतिरक्षा गर्नुपर्ने भएकाले अलग्गै राजनीतिक प्रतिवेदन पेस गर्ने उनले बताए। पत्रकारसँग कुरा गर्दै पोखरेलले आफूमाथि भ्रष्टाचारदेखि गुट सञ्चालनसम्मका आरोप लगाएको र त्यसको प्रतिवाद ‘दाहालका तर्फबाट प्रस्ताव भनेर जे चिज आरोपहरु लगाइए ती तथ्यहीन र आधारहीन भएको उल्लेख गरे।
'त्यसलाई आरोप मात्र भन्न सकिन्छ प्रस्ताव भन्न सकिँदैन,’ पोखरेलले भने, ‘यो जुन रुपमा आएको छ त्यो प्रक्रिया पनि मिलेको छैन।’ पार्टीभित्रको बैठकमा दुई अध्यक्षबीचमा सल्लाह भएर आउने हो, त्यो कतै सल्लाह नभएको उनले बताए।
उक्त प्रस्तावमा प्रधानमन्त्रीले अस्वीकार गरेकाले यसलाई प्रस्तावको रुपमा स्वीकार नहुने उनले बताए। आगामी १३ गतेको बैठकमा यसमा थप छलफल हुने उनले बताए।
‘अब यो प्रस्ताव फिर्ता हुने कुरा छैन, आधारहीन अभियोग सार्वजनिक भइसकेका छन्। सञ्चार माध्यमहरुले छापेका छन्,’ पोखरेलले भने, ‘यी अब आरोप लगाउनेहरुले पुष्टि गर्नुपर्छ। आधारहीन आरोपमात्र लगाएर मात्र हुँदैन।’
दाहालले उनलाई यतिदेखि ओम्नीसम्मको संरक्षण गरेर भ्रष्टाचारलाई बढाएको, रअ प्रमुखसँगको भेट गरेर राष्ट्रको सार्वभौकितामा असर पुर्याएको लगाएका आरोप लगाएका थिए। दाहालको उक्त प्रतिवेदनमा सचिवालयका ५ जनाले सहमति जनाएका थिए। सचिवालयभित्र तीव्र विवाद भएपछि १० दिनका लागि सचिवालय बैठक सारिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
