प्रतीकात्मक तस्बिर
चितवन- चितवनका २५ सामुदायिक विद्यालयलाई भौतिक कक्षा संचालन गर्न आवश्यक पर्ने स्वास्थ्य सामग्री वितरण गरिएको छ। चितवन समाज जर्मनीको पहल र कार्स्टर नेपाल इनिसिएटिभको आर्थिक सहयोगमा नमस्ते प्यारो नेपालले चितवनका २५ विद्यालयलाई स्वास्थ्य सामग्री प्रदान गरेको हो।
ती विद्यालयलाई ७५ सय थान एन-९५ मास्क, ५ सय थान फेससिल्ड, २ सय लिटर सोडियम हाइड्रोक्लोराइड, २०० लिटर ह्यान्ड स्यनिटाइजर, थर्मल गन, स्यनिटाइजर स्ट्य़ान्ड, साबुनलगायतका सामग्री विभिन्न २५ विद्यालयलाई वितरण गरिएको नमस्ते प्यारो नेपालले जानकारी दिएको छ।
सबै विद्यार्थीमा अनलाइन कक्षाको पहुँच नभएको भन्दै भौतिक रूपमा नै कक्षा संचालनको तयारीमा रहेका विद्यालयमा स्वास्थ्य सुरक्षा उपकरण वितरण गरेको नमस्ते प्यारो नेपालका सचिव सुरेन्द्र सुवेदीले बताए। यो कार्यक्रमले सकेसम्म कमजोर आय भएका परिवारका विद्यार्थी पढ्ने स्कुललाई छनोट गरेको चितवन समाज जर्मनीका सल्लाहकार हुमनाथ ढकालले उल्लेख गरे।
स्वास्थ्य सामग्री बुझ्दै प्रभात मावि शुक्रनगरका प्रधानाध्यापक होमनाथ भण्डारीले सीमित श्रोत र साधन भएकाले महामारीमा कक्षा संचालन गर्न असहज अवस्थामा संस्थाले गरेको सहयोग महत्वपूर्ण भएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769489968.png)
-1769487479.png)
-1764146706.png)
