प्रदेश २ : पत्रकार महासंघमा चौहान नेतृत्वको प्यानल विजयी

ब्लग

नेपाल लाइभ आइतबार, वैशाख २३, २०७५ ०५:१२

जनकपुर– नेपाल पत्रकार महासंघ प्रदेश २ को निर्वाचनमा दीपेन्द्र चौहान नेतृत्वको प्यानल विजयी भएको छ।

नेपाल प्रेस युनियन, नेपाल प्रेस चौतारी र प्रेस सेन्टरको संयुक्त गठबन्धनमा निर्माण गरिएको चौहान नेतृत्वको प्यानल शनिबार सम्पन्न भएको प्रदेश निर्वाचनमा विजयी भएको हो।
अध्यक्ष पदमा चौहानले ३ सय ४४ मत प्राप्त गर्दा उनका निकटतम प्रतिद्वन्द्वी मधेशवादी संगठनका वीरेन्द्र रमणले २ सय ४७ र अर्का उम्मेदवार विजय कुशवाहाले १ सय १७ मत प्राप्त गरे।

त्यसैगरी उपाध्यक्षमा केसी लामिछाने ४ सय ६४, महिला उपाध्यक्षमा रिंकु मिश्र गायत्रीले ४ सय ११, महासचिवमा किरण कर्णले ४ सय १९, खुला सचिवमा गुरुप्रसाद गौतमले ४ सय २९, समावेशी सचिवमा रामनारायण विश्वासले ४ सय ३०, कोषाध्यक्षमा प्रवीण साह ४ सय १ मतका साथ विजयी भए।

खुला सदस्यहरुमा भोजराज भट्टराई, धिरेन्द्र राय, अजितकुमार सिंह, शैलेन्द्र झा, राजनकुमार सिंह, आदिवासी जनजाति सदस्यमा जीतलाल श्रेष्ठ र जगत राई र मधेशी सदस्यमा अजयकुमार साह र वैद्यनाथ चौधरी विजयी भएका छन्।

यसअघि महिला सदस्यतर्फ विम्मी शर्मा, चन्दाकुमारी साह, ललिता साह, दलित सदस्यतर्फ सिकेन्द्र पासवान र अल्पसंख्यक सदस्यतर्फ हदिश खुद्दार निर्विरोध निर्वाचित भइसकेका छन्।

महासंघमा कूल ८ सय ४५ मतदाता रहेको प्रदेश २ मा ७ सय २५ मत खसेको थियो। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड