प्रदेश ७ : पत्रकार महासंघको अध्यक्षमा शाह

ब्लग

नेपाल लाइभ आइतबार, वैशाख २३, २०७५ ०२:०७

बैतडी– नेपाल पत्रकार महासंघ प्रदेश ७ को निर्वाचनबाट अध्यक्षमा अर्जुन शाह निर्वाचित भएका छन्।

शाहले ३ सय ७९ मत प्राप्त गरी विजयी भएका हुन् भने उनका निकटतम प्रतिद्वन्द्वी हरि जोशीले २ सय ६२ मत प्राप्त गरे।

बैतडीमा ४५ मत खसेकामा शाहले ३२ तथा जोशीले १३ मत प्राप्त गरे। दार्चुलामा ३९ मत खसेकामा शाहले ९ र जोशीले ११ मत प्राप्त गरे भने १९ मत बदर भएका छन्।

डडेल्धुरामा शाहले २४ तथा जोशीले ३५, बझाङमा ३७ मत शाहले तथा ४ मत जोशीले र डोटीमा शाहले १८ तथा जोशीले २२ मत प्राप्त गरेका छन्।

अछाममा शाहले ५३ तथा जोशीले २७ मत प्राप्त गरे। बाजुरामा २७ मत शाहले प्राप्त गर्दा जोशीले १८ मत मात्रै जुटाउन सके। कैलालीमा १ सय मत शाहले प्राप्त गर्दा जोशीको पक्षमा ४३ मतमात्रै खसेको थियो। कञ्चनपुरमा शाहले ७९ र जोशीले ८९ मत प्राप्त गरे।

प्रदेश ७ मा अरु पदका लागि भने प्रेस युनियन, प्रेस चौतारी र प्रेस सेन्टरको सहमतिमा निर्विरोध गराइएको थियो।

अध्यक्ष पदका लागिमात्रै भएको निर्वाचनमा दुबै प्रेस चौतारीका उम्मेदवार हरि जोशी र अर्जुन शाहबीच प्रतिस्पर्धा भएको हो। प्रेस चौतारी नेपाल, प्रेस युनियन र प्रेस सेन्टर तीनवटै संगठनले देशभरका सबै प्रदेश, उपत्यका र एसोसिएट कमिटीमा भागवण्डा गरेका थिए। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड