अटो रिक्सा दुर्घटना हुँदा एक जनाको मृत्यु, भारतीय नागरिकसहित ६ जना घाइते

ब्लग

नेपाल लाइभ शनिबार, वैशाख २२, २०७५ ०६:५८

राजविराज– सप्तरीमा अटो रिक्सा दुर्घटना हुँदा एक जनाको मृत्यु भएको छ। दुर्घटनामा भारतीय नागरिकसहित ६ जना घाइते भएका छन्।

राजविराजबाट तिलाठी जाँदै गरेको स१ह १८२२ नम्बरको अटो अनियन्त्रित भई दुर्घटना भएको प्रत्यक्षदर्शीले बताए। घटनामा तिलाठी–कोइलाडी गाउँपालिका–१ का ७० वर्षीय फुलो मिश्राको घटनास्थलमै मृत्यु भएको हो।

सोही अटोमा सवार राजविराज नगरपालिका–४ निवासी विष्णुदेव साह र वडा नम्वर ९ की ४० वर्षीया फतमा खातुन, भारतको विहार राज्य स्थित मधुवनी जिल्ला महादेवमण्ठ निवासी ३८ वर्षीय ब्रह्मदेव गोस्वामी, उनकी श्रीमती ३० वर्षीया गीतादेवी, छोरा १४ वर्षीय अभिषेक र छोरी ५ वर्षीया सृष्टि घाइते भएका छन्।

घाइते सबैको राजविराजस्थित गजेन्द्रनारायण सिंह सगरमाथा अञ्चल अस्पतालमा उपचार भइरहेको र चालक फरार भएकाले खोजी भइरहेको जिल्ला प्रहरी कार्यालय सप्तरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड