ट्रान्सफर्मर पड्किएपछि सप्तरीको कजौली दुई सातादेखि अँध्यारो

ब्लग

नेपाल लाइभ बुधबार, वैशाख १९, २०७५ ०५:४०

राजविराज– दुई साताअघि पड्किएको ट्रान्सफर्मर मर्मत नहुँदा सप्तरीको महदेवा गाउँपालिका–२, कजौली टोलका २ सय परिवार विद्युत् सेवाबाट वञ्चित भएका छन्।

कजौलीको विद्युत् आपूर्तिका लागि राखिएको ५० केभीएको ट्रान्सफर्मर अत्यधिक लोडका कारण पड्किएको थियो। दुई साता बितिसक्दा पनि ट्रान्सफर्मर मर्मत नहुँदा अँध्यारोमै बस्नुपरेको स्थानीय विष्णुदेव यादवले बताए।

विद्युत् आपूर्ति बन्द भएपछि कुटानी–पिसानी लगायतका समस्या बढेको र विद्यार्थीको पढाइ समेत प्रभावित भएको स्थानीयवासी पीडित भएको उनले बताए।

ट्रान्सफर्मर मर्मतका लागि नेपाल विद्युत् प्राधिकरण वितरण केन्द्र राजविराजमा जानकारी गराए पनि सुनुवाइ नभएको स्थानीयले गुनासो गरेका छन्। स्थानीयले एक साताअघि नै कार्यालयमा लिखित निवेदन दिएका छन्। प्राधिकरणले भने विद्युत् चोरीका कारण जिल्लाभरि नै १५÷१६ वटा ट्रान्सफर्मर जलेको जनाउँदै प्राथमिकताका आधारमा मर्मत भइरहेको जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड