कार र पिकअप भ्यान ठोक्किँदा २ जनाको मृत्यु, २ को अवस्था गम्भीर

ब्लग

नेपाल लाइभ मंगलबार, वैशाख १८, २०७५ ०४:२०

विराटनगर– सवारी दुर्घटनामा परी मोरङ्गमा २ जनाको मृत्यु भएको छ भने ६ जना घाइते भएका छन्।

ग्रामथान गाउँपालिका–५, कौशलिया चौकमा बा१६च ९३५८ नम्बरको कार र को१च ७५०६ नम्बरको पिकअप भ्यान ठोक्किँदा कारमा सवार झापाका ५० वर्षीय जयसिंह राजबंशी र मोरङ जहदाका ३६ वर्षीय विनोद साह सोनारको मृत्यु भएको छ।

दुर्घटनामा गम्भीर घाइते भएपछि विराटनगरस्थित नोबेल अस्पतालमा भर्ना गरिएका दुवैको उपचारकै क्रममा मृत्यु भएको प्रहरीले जनाएको छ।

कटहरीका २८ वर्षीय जितेन्द्र साह र कारका चालक कर्सियाका २४ वर्षीय दिनेश राजवंशी गम्भीर घाइते छन्। उनीहरुको सोही अस्पतालमा उपचार भइरेहको छ। दुवै सवारी साधन र पिकअपका चालकलाई प्रहरी चौकी झोराहाटले नियन्त्रणमा लिएको छ।

यस्तै, सुन्दर हरैचा नगरपालिका–१ स्थित विराटनगर–विराटचोक सडकखण्डमा ना४त ५७०२ नम्बरको ट्याक्टर बिजुलीको पोलमा ठोक्किदा ट्याक्टरमा सवार बेलबारी नगरपालिका ८ का १७ वर्षीय करण खवास, ६० वर्षीया छिटकी राजवंशी, १४ वर्षीय शिवनारायण खवास र १६ वर्षीया निर्मला खवास घाइते भएका छन्।

घाइते सबैको स्थानीय स्वास्थ्य संस्थामा उपचार भइरेहको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड