कञ्चनपुरमा असिनापानीले तरकारी बालीमा २५ लाखको क्षति

ब्लग

नेपाल लाइभ सोमबार, वैशाख १७, २०७५ ०९:४६

कञ्चनपुर- कञ्चनपुरको शुक्लाफाँटा नगरपालिकामा गएराति परेको असिनापानीका कारण तरकारी बालीमा क्षति पुगेको छ। असिना पानीले बगरमा लगाइएको काँक्रा, लौका, तितेकरेला, तरभुजा लगायत बालीमा क्षति पुर्‍याएको हो।

नगरपालिकाको कृषि सेवा शाखाका अनुसार १२ बिघामा लगाइएको बगर खेतीमा २५ लाख रुपैयाँभन्दा बढीको क्षति भएको छ।

वडा नं २, ३, ४ र ११ मा लगाइएको बेमौसमी मकै, बाली, मुङ र केरा खेतीमा क्षति पुर्याुएको शाखाका प्रमुख वीरबहादुर कुँवरले बताए।

'चार वटै बालीमा झन्डै सात लाखभन्दा बढीको क्षति भएको पाएका छौं', उनले भने।

असिना पानीसँगै आएको हावाहुरीले बोट ढालेको र असिनापानीले चुट्दा पूरै बाली नै सखाप हुनाका साथै आँप र लिचीमा लागेका ९० प्रतिशत दाना झरेको छ।

शुक्लाफाँटाको पिपलाडीका किसान लक्ष्मण चौधरीले असिनापानीले खेतमा लगाइएको गोलभेँडा पूरै नष्ट पारेको बताए।

'पाँच कट्ठा जग्गामा लगाइएको गोलभेँडा पाकेर टिप्ने तरखरमै थियौं, टिप्न नपाउँदै पूरै बाली नोक्सान भएको छ', उनले भने।

यहाँका व्यावसायिक तरकारी र फलफूल खेतीमा संलग्न किसानले प्राकृतिक प्रकोपले पुर्‍याएको क्षतिको पूर्ति गरिदिन माग समेत गरेका छन्। (रासस)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड