काठमाडौं- नक्कली सुन र हतियारसहित पक्राउ परेका कमलादी सुन तस्करी प्रकरणका प्रतिवादीहरुको काठमाडौं जिल्ला अदालतमा बयान शुरु भएको छ। जिल्ला न्यायाधीश कमलप्रसाद पोखरेलको इजलासमा बयान शुरु भएको हो। जिल्ला सरकारी वकिलको कार्यालय काठमाडौंले आइतबार दुई प्रहरी, दुई ज्वेलरी पसले सहित १७ जना विरुद्ध मुद्दा दायर गरेको थियो।
जिल्ला अदालतमा आइतबार ५ अभियोगमा उनीहरूविरुद्ध मुद्दा दायर भएको छ। हतियार तथा खरखजना, अवैध सुन चाँदी चोरीपैठारी, चोरीनिकासी, डाँकाचोरी र संगठित अपराधमा सजाय हुनुपर्ने जिकीर अभियोगपत्रमा गरिएको छ। उक्त मुद्दामा ६ जना प्रतिवादी फरार रहेका छन् भने ११ जनालाई अभियोगपत्रसहित पेस गरिएको छ। उनीहरुको बयान शुरु भएकोले 'हेर्दाहेर्दै'मा रहेको जिल्ला अदालतले जनाएको छ।
अभियोगपत्रमा ७ भारतीय नागरिकलाई समेत प्रतिवादी बनाइएको छ। प्रतिवादीहरूमा भारत गुजरातका निलेश एल शखिया भन्ने निलेश लवजी भाई शखिया, विजय पटेल भन्ने विजय कुमार मगनलाल हर्सोडा, भारत राजस्थानका देवांग पटेल, भारत कलकत्ताका मनिष मल्लिक, भारत राजस्थानका कौशल पटेल, भारत गुजराजको संजय पटेल भन्ने संजय कुमार राजभाई पटेल र राजस्थानका विकास अग्रवाल भन्ने विकास कुमार चिरनियालाई मुख्यअभियुक्तका रुपमा मुद्दा दायर गरिएको छ।
यस्तै, काठमाडौं कपुर्धारा बस्ने बहादुरसिंह कठायत, काठमाडौं बुढानीलकण्ठका प्रशन श्रेष्ठ, बारा जितपुरसिमरा उपमहानगरपालिको ईलताफ हुसेन अन्सारी, सिन्धुपाल्चोक उमेश श्रेष्ठ, धनुषाका श्रीनिवास उपाध्याय, काठमाडौंको विजय ताम्राकार, रसुवाकी सृष्टि डंगोल, मकवानपुरका रुपेश बलामीलाई पनि सुन तस्करीमा संलग्न भएको आरोपमा अभियोगपत्र दायर भएको छ।
त्यस्तै अभियोगपत्रमा काठमाडौंका दुई सुन पसललाई तस्करीको सुन खरिद गरेको अभियोगमा मुद्दा दायर गरिएको छ। कमलपोखरीस्थित सिटी सेन्टरको पहिलो तलामा एस ज्वेलर्सका येसे लोडोई लामा र काठमाडौं न्युरोडको ग्रुप अफ लक्की ज्वेलर्स प्रालिका सन्चालक ऋषि ठाकुरलाई मुद्दा दायर गरिएको छ।
यस्तो थियो घटना
२०७७ साउन १३ गते बिहान ९ः०० बजे कमलादीबाट दरबारमार्गको महेन्द्र शालिकतर्फ आउने जाने सडक खण्डमा चेकजाँच गर्ने क्रममा कृष्ण पाउरोटीबाट कमलादीतर्फ तीव्र गतिमा आएका बा ६ च ५५१९ को सिल्भर रंगको स्कारपियो गाडीलाई रोक्न खोज्दा रोक्न नमानी भागेको थियो।
उक्त गाडी सुन्धाराबाट त्रिपुरेश्वर जाने सडकखण्डको नेपाल टेलिकम दूरसञ्चार कार्यालय सुन्धारा अगाडि पट्टीको सडकखण्डमा गाडी रोकी अपरिचित व्यक्ति झरी आकाशेपुलमा चढी म्याग्जिन सहितको पेस्तोल थान २, सुन जस्तो देखिने पहेलो रंगको धातु १७ थान, फुस्रो पहेलो रंगको धातु १८ थानसहितको झोला छाडेको थियो।
प्रहरीले उक्त गाडीमा चढी आएका पछि नाम खुल्न आएका निलेश एल शखियाले उक्त अवैध हतियारहरु, सुनसमेत सुन्धारास्थित आकाशे पुलमा छाडी भागेकोका थिए। सो झोलबाट प्रहरीले पेस्तोल थान २, तौल ५०० ग्राम भएको सक्कली सुनको ढिक्का थान-१ र साढे १४ किलो सुनको जलप लगाएको चाँदीका ढिक्का बरामद गरेको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
