पहिले काम गरेर फर्किएका तीन हजार नेपाली कामदारलाई फेरि कोरिया लगिने, परीक्षा बुधबारदेखि

ब्लग

नेपाल लाइभ आइतबार, वैशाख १६, २०७५ ११:०५

काठमाडौं- पहिले नै दक्षिण कोरिया गएर फर्किएका तीन हजार नेपालीलाई पुनः कोरिया लगिने भएको छ।

कोरियाले राम्रो काम गरेर फर्किएका तीन हजारको नाम पठाएपछि पुनः परीक्षाका आधारमा पठाउन लागिएको इपिएस भाषा परीक्षाका निर्देशक कृष्णप्रसाद खनालले बताए।

'परीक्षा यही बैसाख १७ गतेदेखि नै लिने निर्णय गरेका थियौं, तर बिदा परेका कारण बैसाख १९ गतेदेखि मात्र लिन लागेका छौं', खनालले भने, 'परीक्षामा लगभग तीन हजार २ सय जना सहभागी छन्।' लगभग ५० प्रतिशत पास गरी लैजाने कोरियाको लक्ष्य रहेको उनले जानकारी दिए।

परीक्षा इपिएस कोरियाको नेपाली शाखा ग्वार्कोमा हुनेछ। परीक्षा एक पटकमा २८ जनालाई सहभागी गराई दिनको चार पटक लिइनेछ। (रासस)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड