वीरगञ्जस्थित नारायणी अस्पतालमा उपचार गरी संक्रमणमुक्त भएका नागरिक घर फर्कने तयारी गर्दै। फाइल तस्बिर
काठमाडौं- पछिल्लो २४ घण्टामा थप १८ सय ९३ जना कोरोना संक्रमित संक्रमणमुक्त भएका छन्। देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए।
योसँगै नेपालमा ४९ हजार ९५४ जना संक्रमित उपचारपछि निको भएका छन्। यो कुल संक्रमितको ७३ दशमलव ७ प्रतिशत भएको मन्त्रालयले जानकारी दिएको छ।
पछिल्लो २४ घण्टामा १ हजार १७२ जनामा कोरोना भाइरसको संक्रमण पुष्टि भएको छ। योसँगै नेपालमा कुल संक्रमितको संख्या ६८ हजार ८०४ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिएका हुन्।
हाल देशभर १७ हजार ४१४ जना सक्रिय संक्रमित छन्। यीमध्ये ९ हजार १८६ होम आइसोलेसनमा छन् भने ८ हजार २२८ जना संस्थागत आइसोलेसनमा छन्।
हालसम्म ९ लाख ४४ हजार ४७४ जनाको परीक्षण भएको छ। पछिल्लो २४ घण्टामा १ हजार ८९३ निको भएका छन्।
योसँगै ४९ हजार ९५४ जना निको भएको मन्त्रालयले जनाएको छ। यो कुल संक्रमितको ७३.७ प्रतिशत छ।
नेपालमा पछिल्लो २४ घण्टामा ७ कोरोना संक्रमितको मृत्यु भएको छ। योसँगै नेपालमा कोरोना संक्रमित मृतकको संख्या ४ सय ३६ पुगेको स्वास्थ्य तथा जनसंख्या मन्त्रालयले जानकारी दिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750673602.png)
-1749826086.png)
