काठमाडौं- कोभिड-१९ बाट पीडित ऋणीले नेपाल राष्ट्र बैंकबाट ७६ करोड रुपैयाँको पुनर्कर्जा लिएका छन्। नेपाल राष्ट्र बैंकले चालु आर्थिक वर्षको मौद्रिक नीतिमा कोभिडबाट अतिप्रभावित तथा मध्यम प्रभावित ऋणीको लागि पुनर्कर्जाको व्यवस्था गरे अनुसार ऋणीहरुले किस्ता र ब्याज भुक्तानी गर्नका लागि पुनर्कर्जा दिएको हो।
नेपाल राष्ट्र बैंकले सम्पूर्ण बैंक तथा वित्तीय संस्थाहरुलाई कोभिड प्रभावित ऋणीसँग पुनर्कर्जाको लिनका लागि आह्वान गर्न गर्न निर्देशन दिएको छ। कोभिडबाट प्रभावित ऋणीले असोज १४ गतेसम्म आफूले ऋण लिएको बैंक तथा वित्तीय संस्थासँग पुनर्कर्जाको माग गर्न सक्ने छन्।
कोभिड प्रभावित ऋणीले दिएको निवेदनका आधारमा बैंक तथा वित्तीय संस्थाले नेपाल राष्ट्र बैंक सँग पुनर्कर्जाको माग गर्न सक्छन्। बैंकहरुले नै आफ्ना ऋणीको मूल्याङ्कन गरेर एकमुष्ट रुपमा नेपाल राष्ट्र बैंकमा निवेदन माग गर्न पाउने राष्ट्र बैंकका प्रवक्ता गुणाकर भट्टले जानकारी दिए। उनले भने 'बैंकहरुले माग गरिए जति नै पुनर्कर्जा दिइने भएकाले बैंकहरु आफैले ऋणीको मूल्याङकन गरेर माग गर्न सक्ने छन्।' नेपाल राष्ट्र बैंकको निर्देशन पछि बैंकहरुले आफ्ना ऋणीहरुसँग पुनर्कर्जाको निवेदन पेस गर्न पत्राचार गरिरहेका छन्।
नेपाल राष्ट्र बैंकको पनर्कर्जा कार्यविधि अनुसार ५ प्रतिशत ब्याजदरमा २० करोड रुपैयाँसम्मको लागि पुनर्कर्जा प्राप्त गर्न सकिनेछ। राष्ट्र बैंकले अति प्रभावित क्षेत्रको रुपमा पर्यटन हवाइ उड्ययन तथा कृषि कर्जालाई तोकेको छ। जसमा ट्रेकिङ्ग, ट्राभल एजेन्सी, पर्वतारोहण, र्याफ्टिङ, क्याम्पिङ, टुर अपरेटर, हिलिङ सेन्टर, क्यासिनो, मसाज स्पा आदि रहेका छन्। त्यस्तै होटल, पर्यटक आवास, मोटेल, ग्रामीण पर्यटन, होम स्टे, रिसोर्ट, तथा रेष्टुराँ, पर्यावरणीय पर्यटन, वन्यजन्तु आरक्ष जस्ता क्षेत्रमा कर्जा लिएका सबैभन्दा धेरै प्रभावित भएको भन्दै उनिहरुले सबैभन्दा धेरै पुनर्कर्जा प्राप्त गर्न सक्ने छन्।
राष्ट्र बैंकले साहसिक पर्यटन, स्किइङ्ग, ग्लाइडिङ्ग, वाटर र्याफ्टिङ, हट एयर व्यालुनिङ्ग, क्यानोइङ, प्यारासेलिङ्ग, घोडचढी, हात्तीचढी, बन्जी जम्पिङ्ग, हिमाल आरोहरण र अवलोकन लगायत लागि अति प्रभावित कर्जाको रुपमा गणना गर्न निर्देशन दिएको छ।
अति प्रभावित क्षेत्रका रुपमा थप निम्न क्षेत्रलाई समेटेको छ। गल्फ कोर्स, पोलो, पोनी ट्रेकिङ्ग, पदयात्रा, माउन्टेन फ्लाइट सञ्चालन, केवलकार हवाई तथा पर्यटकीय यातायात, मनोरञ्जन, मनोरञ्जन पार्क, रिक्रिएसन सम्बन्धी व्यवसाय, पार्टी प्यालेस, चलचित्र उत्पादन, वितरण, सिनेमा हल जस्ता क्षेत्र सबैभन्दा धेरै प्रभावित रहेका छन्।
रोजगारी गुमेका वा विदामा परेका श्रमिक, कामदार वा कर्मचारी (स्वदेशमा वा विदेशमा) , मूलभुत रुपमा सडेर गलेर जाने वस्तु जस्तैः तरकारी, फलफूल, पुष्प, माछा मासु, दाना, दुध तथा दुधजन्य उत्पादन, अण्डा आदि उत्पादन तथा बिक्री वितरण, कुखुरापालन व्यवसाय , पशुपन्छी, मौरी तथा मत्स्यपालन व्यवसाय, तयारी पोशाक, हस्तकला तथा सीपमुलक व्यवसाय, वैदेशिक रोजगार सेवा प्रदायक, शैक्षिक परामर्श सेवा प्रदायकहरुले सबैभन्दा धेरै प्रभावित वर्गबाट पुनर्कर्जाको सुविधा पाउने छन्।
राष्ट्र बैंकले मध्यम प्रभावित क्षेत्रको रुपमा खप्ने सामान जस्तै प्लास्टिक, फलाम÷स्टील, टायर, छाला, धातुका उत्पादन, घरायसी उपकरण आदि उत्पादन तथा बिक्री वितरणसँग सम्बन्धित उद्योग व्यवसाय , नीजि तथा आवासीय विद्यालय, उच्च शिक्षालय तथा माध्यमिक विद्यालय, कलेज तथा विश्व विद्यालय, प्राविधिक शिक्षालय, प्रि-स्कुल, चाइल्ड केयर, यात्रुवाहक स्थल यातायात , ब्युटी पार्लर, सैलुन, कस्मेटिक सर्जरी लगायतका सामाजिक तथा व्यक्तिगत सेवाका क्रियाकलाप रहेका छन्।
त्यस्तै कानूनी, लेखा, इन्जिनियरिंग लगायतका परामर्श सेवा वा व्यवसाय , इजाजतपत्रप्राप्त 'क', 'ख' र 'ग' वर्गका बैंक तथा वित्तीय संस्थाहरुलाई एकमूष्ट रुपमा प्रदान हुने पुनर्कर्जाको लागि आवेदन आह्वान गर्न पाइनेछ। अस्पताल, क्लिनिक, नर्सिंगहोम, डायग्नोस्टिक सेन्टर , हेल्थ सेन्टर वा फिट्नेस सेन्टर ,. भण्डारण गर्न सकिने बस्तु (खाद्यान्न बाहेक) उत्पादन, प्रशोधन तथा बिक्री वितरण , वन तथा खनिजजन्य उद्योग , निर्माण व्यवसाय, औषधि उत्पादन , छपाइ, प्रकाशन तथा संचार गृह, निर्माणाधीन जलविद्युत तथा नवीकरणीय उर्जा, पत्थर, माटो तथा सिसाका उत्पादन सम्बन्धी व्यवसाय मध्य प्रभावित वर्गमा पर्ने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
