अछाममा चट्याङ लागेर ७ घाइते, असिनापानीले गहुँबाली नष्ट

ब्लग

नेपाल लाइभ शनिबार, वैशाख १५, २०७५ ०१:३६

अछाम– मंगलसेन नगरपालिकामा शुक्रबार परेको चट्याङ लागेर ७ जना घाइते भएका छन्।

असिनापानीसँगै परेको चट्याङ लागेर मंगलसेन–५ की मनिषा भाट केकी घण्टा बेहोस भएकी थिइन्। अहिले उनको अवस्था सामान्य बनिरहेको प्रहरीले जनाएको छ। अन्य ६ जना घाइते सामान्य उपचारपछि घर फर्किएका छन्।

यस्तै चौरपार्टी गाउँपालिका–१ सिउडीको छरी खोलामा आएको बाढीले ६ बाख्रा मरेको तथा १ सयभन्दा बढी बाख्राको उद्धार गरिएको अछामका प्रहरी प्रमुख दधिराम न्यौपानेले जानकारी दिए। किसानले व्यावसायिक रुपमा गरेको बाख्रापालन क्षेत्रमा बाढी परेको थियो।

यसैबीच असिनापानीले पाकिसकेको गहुँ र तरकारी खेतीमा ठूलो क्षति पुर्याएको रामारोशन गाउँपालिकाका कृषक गीता साउदले जानकारी दिइन्। उनले भनिन्,‘पाकेको गहुँ असिनाले नष्ट गरिदियो। अब के खाने भन्ने चिन्ताले सताउन थालेको छ।’

बाक्लाे असिना परेपछि तरकारी र गहुँ खेती सखाप पारेको मेल्लेख गाउँपालिकाका कृषक मनिराज भट्टराईले बताए। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज पृथ्वी जयन्ती तथा राष्ट्रिय एकता दिवस मनाइँदै

सार्वजनिक सेवा प्रवाह सहज बनाउन सरकारले ल्यायो अध्यादेश, यस्ता छन् अरु सुविधा

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय