चरा ठोक्किएर धनगढीमा रोकिएको सौर्यको विमान ५ घन्टापछि उड्यो

ब्लग

नेपाल लाइभ शुक्रबार, वैशाख १४, २०७५ १२:२४

धनगढी- काठमाडौंबाट धनगढी आइरहेको सौर्य एयरलाइन्सको जहाज धनगढी विमानस्थलमा अवतरणका क्रममा चरा ठोक्किए पनि दुर्घटना हुनबाट जोगिएको छ। अवतरण गर्ने क्रममा चरा ठोक्किएपछि सौर्यको उडान भने पाँच घन्टा प्रभावित भयो।

शुक्रबार दिउँसो पौने १ बजेतिर सौर्य एयरलाइन्सको नाइन-एन-एएमई कलसाइनको जाहज २८ जना यात्रु लिएर धनगढी आएको थियो।

अवतरणका क्रममा चरा ठोक्किए पनि जहाजमा कुनै क्षति भने नभएको धनगढी विमानस्थल प्रमुख छविलाल ठकुल्लाले बताए।

चरा ठोक्किएपछि सो जहाज पाँच घन्टा धनगढी विमानस्थलमै रोकिएको थियो। साँझ ५ बजे काठमाडौंबाट श्री एयरलाइन्समा सौर्य एयरलाइन्सको प्राविधिक टोली धनगढी विमानस्थल आई चेकजाँच गरी कुनै प्राविधिक त्रुटी नदेखिएपछि साँझ पौने ६ बजेतिर जहाजले काठमाडौंतर्फ उडान भरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज पृथ्वी जयन्ती तथा राष्ट्रिय एकता दिवस मनाइँदै

सार्वजनिक सेवा प्रवाह सहज बनाउन सरकारले ल्यायो अध्यादेश, यस्ता छन् अरु सुविधा

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय