डडेल्धुरामा ट्र्याक्टर दुर्घटना हुँदा एक जनाको मृत्यु, ४ घाइते

ब्लग

नेपाल लाइभ शुक्रबार, वैशाख १४, २०७५ ०९:१९

डडेल्धुरा- डडेल्धुराको परशुराम नगरपालिका वडा नं ९ मा से १ त ५३३८ नम्बरको ट्र्याक्टर दुर्घटना हुँदा एक जनाको मृत्यु भएको छ भने ४ जना घाइते भएका छन्।

शुक्रबार बिहान १० बजे परशुराम नगरपालिका वडा नं ८ देवरीतर्फ ढुंगा लोड गरेर जाँदै गरेको ट्र्याक्टर वडा नं. ९ स्थित खानीडाँडा बजारमा दुर्घटना हुँदा परशुराम नगरपालिका ९ का ५५ वर्षीय नन्द सिंह ठगुन्नाको घटनास्थलमै मृत्यु भएको इलाका प्रहरी कार्यालय जोगबुडाले जनाएको छ।

दुर्घटनामा परशुराम नगरपालिका ९ कै चालक लाल धामी, नवीन बोहरा, पुस्कर बोहरा, र यज्ञ बोहरा घाइते भएको इलाका प्रहरी कार्यालय जोगबुडाका प्रहरी निरीक्षक शैलेन्द्रकुमार भट्टले जनाएका छन्। घाइतेमध्ये पुस्कर बोहरालाई जोगबुडा अस्पतालमा उपचार हुन नसकेपछि नेपालगन्ज रिफर गरेको छ। ट्र्याक्टर नियन्त्रित भई दुर्घटना भएको प्रहरीले अनुमान गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज पृथ्वी जयन्ती तथा राष्ट्रिय एकता दिवस मनाइँदै

सार्वजनिक सेवा प्रवाह सहज बनाउन सरकारले ल्यायो अध्यादेश, यस्ता छन् अरु सुविधा

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय