एनफडिसी अवार्ड : अनमोल र वेनिशा उत्कृष्ट कलाकार, कसलाई कुन अवार्ड? (सूचीसहित)

ब्लग

नेपाल लाइभ शुक्रबार, वैशाख १४, २०७५ ०८:०२

काठमाडौं– नेपाल चलचित्र विकास कम्पनी लिमिटेड (एनफडिसी) को छैठौं अवार्ड संस्करण बिहीबार सम्पन्न भएको छ। काठमाडौंको हयात रिजेन्सी होटेलमा सम्पन्न कार्यक्रममा फिल्म ‘कृ’बाट अनमोल केसी उत्कृष्ट अभिनेता र ‘ब्लाइन्ड रक्स’बाट वेनिशा हमाल उत्कृष्ट अभिनेत्री घोषित भइन्।

अवार्डमा फिल्म ‘शत्रु गते’ वर्षकै उत्कृष्ट चलचित्र बन्दा निर्देशक मिलन चाम्सले फिल्म ‘लिलिबिली’बाट वर्षको उत्कृष्ट निर्देशकको अवार्ड हात पारे। त्यसैगरि नवअभिनेत्रीको अवार्ड फिल्म ‘लिलिबिली’बाट जसिता गुरुङले उचाल्न सफल भइन्। नवनायकमा फिल्म ‘ग्याङस्टार ब्लुज’बाट आसिरमान देशराज जोसीले अवार्ड प्राप्त गरे।

होटलको प्राङ्गणमा सञ्चालन गरिएको अवार्ड वितरण कार्यक्रम मौसमका कारण पूर्ण रुपमा प्रभावित बन्यो। कार्यक्रममा उपस्थित सम्पूर्ण कलाकर्मी तथा अतिथिहरु वर्षाका कारण मञ्च अगाडी बस्न सकेनन्। जसले गर्दा अधिकांस कलाकारहरुले कार्यक्रम खल्लो भएको प्रतिकृया दिएका थिए।

अवार्डकै लागि मुम्बईबाट नेपाल आएकी अभिनेत्री निरुता सिंहले समेत आफ्नो नृत्य प्रस्तुत गर्न असमर्थ भइन्। त्यस्तै अवार्ड कार्यक्रममा तय भएका अन्य मनोरञ्जनका प्रस्तुतिहरु पनि वर्षाका कारण प्रस्तुत हुन सकेनन्।

कार्यक्रममा युवा नायक अनमोल केसी, भुवन केसी, पल शाह, आँचल शर्मा, वेनिशा हमाल, प्रदीप खड्का, प्रशान्त ताम्राकार, अनुपविक्रम शाही, रमेश उप्रेती, निर्मल शर्मा लगायत कलाकारहरुको उपस्थिति रहेको थियो।

अवार्ड विजेताहरुको पूर्ण विवरण:

हिरा सर्वोत्कृष्ट फिल्म – शत्रु गते
प्रकाश सर्वोत्कृष्ट निर्देशक – मिलन चाम्स (लिलिबिली)
शिव सर्वोत्कृष्ट अभिनेता – अनमोल केसी (कृ)
भुवन सर्वोत्कृष्ट अभिनेत्री – वेनिशा हमाल (ब्लाइन्ड रक्स)
निर सर्वोत्कृष्ट सह–अभिनेता – प्रशान्त ताम्राकार (ऐश्वर्य)
वसुन्धरा सर्वोत्कृष्ट सह–अभिनेत्री – केकी अधिकारी (ऐश्वर्य)
चैत्य सर्वोत्कृष्ट नव–अभिनेत्री – लिलिबिली (जसिता गुरुङ)
गोपालराज सर्वोत्कृष्ट हाँस्यकलाकार – केदार घिमिरे (छक्कापन्जा २)
चेतन सर्वोत्कृष्ट लेखन – शत्रु गते (दीपकराज गिरी र प्रदिप भट्टराई)
लक्ष्मीनाथ सर्वोत्कृष्ट कथा र संवाद – छक्कापन्जा २ (दीपकराज गिरी, जितु नेपाल, केदार
घिमिरे र अभिमन्यू निरबी)
मञ्जु सर्वोत्कृष्ट छायाँकार – लिलिबिली (सुदिप बराल)
तुलसी सर्वोत्कृष्ट सम्पादक – शत्रु गते (मित्रडी गुरुङ)
शम्भुजित सर्वोत्कृष्ट संगीतकार –कुटुमा कुटु (राजनराज सिवाकोटी, २ रुपैयाँ)
किरण सर्वोत्कृष्ट गीतकार – कसम हो कसम (डा. कृष्णहरि बराल, ए मेरो हजुर २)
उदित सर्वोत्कृष्ट पाश्र्वगायन –तिमी रोएको पल (सुगम पोखरेल र अन्जु पन्त, ऐश्वर्य)
वसन्त सर्वोत्कृष्ट नृत्य निर्देशक – कविराज गहतराज (रुपै मोहनी, शत्रु गते)
भुटानी सर्वोत्कृष्ट द्धन्द्ध निर्देशन – चन्द्र पन्त (कृ)
प्रदिप सर्वोत्कृष्ट ध्वनी मुद्रण – अमित श्रेष्ठ (शत्रु गते)
शुभ सर्वोत्कृष्ट पाश्र्वसंगीत – एलिस कार्की (लिलिबिली)
मह जुरी अवार्ड – रमेश बुढाथोकी (भुईंमान्छे)
सर्वोत्कृष्ट व्यावसायिक फिल्म – छक्कापञ्जा २

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज पृथ्वी जयन्ती तथा राष्ट्रिय एकता दिवस मनाइँदै

सार्वजनिक सेवा प्रवाह सहज बनाउन सरकारले ल्यायो अध्यादेश, यस्ता छन् अरु सुविधा

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय