रिलायन्स लाइफको आजदेखि दोस्रो बजारमा कारोबार, पहिलो कारोबार अधिकतम ३२२ रुपैयाँबाट सुरु

बैंक/बिमा/सेयर

नेपाल लाइभ मंगलबार, भदौ २३, २०७७ ०९:४६

काठमाडौं-रिलायन्स लाइफ इन्स्योरेन्स कम्पनीको आजदेखि दोस्रो बजारमा कारोबार सुरु हुने भएको छ। सोमबार नेपाल स्टक एक्सचेन्जमा सूचीकृत भएसँगै आज प्रि-ओपनिङ सेसनका लागि कारोबार खुला गरिएको हो। प्रि-ओपनिङ सेसनमा कारोबार भयो भनेमात्रै नियमित रुपमा कारोबार हुन सक्नेछ।

नेपाल स्टक एक्सचेन्जले कम्पनीको पहिलो कारोबार न्युनतम १०७.५९ रुपैयाँदेखि अधिकतम ३२२.७७ रुपैयाँदेखि सुरु हुनेछ। यदि अधिकतम ३२२ रुपैयाँबाट कारोबार भएमा आज सर्किट लाग्दा पनि अधिकतम ३२ रुपैयाँ बढ्नेछ।

कम्पनीले गत भदौ ४ गतेदेखि ८ गतेसम्म सर्वसाधारणका लागि प्राथमिक शेयर निष्काशन गरेको थियो। कम्पनीले सर्वसाधारण तर्फको ६३ करोड रुपैयाँको प्राथमिक शेयर निष्काशन गरेको थियो। यसको ५ प्रतिशत कर्मचारी र ५ प्रतिशत सामूहिक लगानीकोषलाई बिक्री गरिएको थियो। बाँकी रहेको ५६ लाख ७० हजार कित्ता सर्वसाधारणका लागि जारी गरिएको थियो।

सर्वसाधारणका लागि जारी भएको उक्त शेयरबाट ५ लाख ६७ हजार लगानीकर्ताले १० कित्ताका दरले शेयर प्राप्त गरेका थिए। आजदेखि उनीहरुले शेयर बिक्री गर्न सक्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनताका समस्यालाई केन्द्रमा राखेर काम गर्न मन्त्री खड्काको निर्देशन

खो खो विश्वकप : महिलातर्फ नेपाल समूह विजेता बन्दै क्वाटरफाइनलमा

दिदीको अश्लील भिडियो बहिनीको मेसेन्जरमा पठाउने पूर्वप्रेमी पक्राउ