काठमाडौं- एकैदिन काठमाडौं उपत्यकामा कार्यरत ६१ जना प्रहरी कर्मचारीमा कोरोना भााइरस (कोभिड १९) संक्रमण देखिएको छ।
प्रहरी स्रोतले दिएको जानकारी अनुसार १५ जना ट्राफिक प्रहरी, महानगरीय प्रहरी कार्यालय (मेट्रो) रानीपोखरीमा कार्यरत १३ जना प्रहरीमा संक्रमण देखिएको छ। त्यसैगरी महानगरीय प्रहरी परिसर काठमाडौंमा कार्यरत १५ जनामा पनि कोरोना भाइरस पोजेटिभ देखिएको छ।
महानगरीय प्रहरी परिसर ललितपुर र महानगरीय प्रहरी वृत्त सातदोबाटोमा कार्यरत १८ जना प्रहरी गरी ६१ जना प्रहरीमा कोरोना भाइरस संक्रमण देखिएको हो।
कारोना भाइरस नियन्त्रणमा र रोकथामको फ्रन्टलाइनमा खटिएका प्रहरी कर्मचारी कोरोनाको उच्च जोखिममा पर्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
