तस्बिर : योहो टेलिभिजनको दृश्यबाट गरिएको स्क्रिनसट
काठमाडौं- मच्छिन्द्रनाथकाे रथ तान्ने क्रममा बिहीबार पुल्चोकमा 'प्रेस' लेखेको ज्याकेट लगाएर प्रहरीलाई ढुंगा हान्ने युवकलाई महानगरीय प्रहरी अपराध महाशाखाले पक्राउ गरेको छ।
पक्राउ पर्नेमा ललितपुरको महालक्ष्मी नगरपालिका-१ का २१ वर्षीय अनिश महर्जन रहेको महाशाखाका एसएसपी दीपक थापाले नेपाल लाइभलाई जानकारी दिए।
ती युवकले बिहीबार प्रेस लेखेको ज्याकेट लगाएर क्यामेराले भिडियो फोटो खिच्दै प्रहरीलाई ढुंगा प्रहार गरेका थिए। पक्राउपछि उनी कुनै पनि संञ्चारमाध्ययममा आबद्ध रहेको नपाइएको एसएसपी थापाले बताए।
उनको साथबाट पत्रकारको परिचयपत्रसमेत फेला नपरेको उनले बताए। पक्राउ परेका महर्जनलाई कारबाहीका लागि महानगरीय प्रहरी परिसर ललितपुर पठाइएको एसएसपी थापाले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
