काठमाडौं- लक्षण नभएका र सामान्य अवस्थाका कोरोना संक्रमितलाई १४ दिनभन्दा बढी कोरोना संक्रमितलाई आइसोलेसनमा राखे सरकारले शोधभर्ना नगर्ने स्पष्ट पारेको छ। लक्षण नभएका र सामान्य प्रकृतिका संक्रमितलाई १४ दिनभन्दा बढी आइसोलेसनमा राखे त्यसबापतको खर्च सरकारले नव्यहोर्ने स्वास्थ्य तथा जनसंख्या मन्त्रालयले स्पष्ट पारेको हो।
यसअघि मन्त्रालयले साउन २९ मा नै १४ दिनभन्दा बढी आइसोलेसनमा नराख्न सबै कोभिड अस्पताललाई निर्देशन जारी गरेको थियो। तर यसमा कोभिड पोटेटिभ पछिल्लो रिपोर्ट आएदेखिको १४ दिनसम्म भनेर केही अस्पतालले मन्त्रालयले पठाएको मर्मअनुसार नभएको भन्दै सबै अस्पताललाई स्पष्ट पारेको हो।
सरकारले कोभिडि पोजेटिभ रिपोर्ट आएपनि १४ दिनमा डिस्चार्ज गर्ने निर्देशनलाई कडाइका साथ पालना गर्न लागेको हो।
पहिलो पटक कोभिड संक्रमित भएको १० दिनमा पुनः परीक्षण गर्न र यसको रिपोर्ट नेगेटिभ भए तत्कालै डिस्चार्ज गर्न मन्त्रालयले भनेको हो। यसका साथै १० औं दिनमा पोजेटिभ नै रिपोर्ट आए पनि थप ४ दिन राखेर १४औं दिनमा अनिवार्य डिस्चार्ज गर्न भनेको हो।
तर गम्भीर अवस्थामा भएका बिरामीका हकमा भने यो व्यवस्था लागू नहुने मन्त्रालयले स्पष्ट पारेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
