एक महिनाभित्र कर्मचारी व्यवस्थापन नगरे आफैं अघि सर्छौं : गाउँपालिका महासंघ

ब्लग

नेपाल लाइभ बुधबार, वैशाख १२, २०७५ १३:४९

काठमाडौं- गाउँपालिका राष्ट्रिय महासंघका अध्यक्ष होमनारायण श्रेष्ठले सरकारले एक महिनासम्ममा पनि आवश्यक कर्मचारी व्यवस्थापन नगरे महासंघले नै कर्मचारी व्यवस्थापन गर्ने बताएका छन्।

महासंघले बुधबार गरेको पत्रकार सम्मेलनमा अध्यक्ष श्रेष्ठले कर्मचारीको अभावले गर्दा नागरिकको सेवा व्यवस्थापन गर्न समस्या परेकाले एक महिनाभित्र सरकारले कर्मचारी व्यवस्थापन नगरे संविधानको मर्यादाभित्र रहेर आफूलाई चाहिने कर्मचारी आफैं व्यवस्थापन गर्ने बताएका हुन्।

गत शुक्रबार र शनिबार बसेको महासंघको केन्द्रीय कार्यसमितिको पहिलो बैठकका निर्णय सुनाउँदै अध्यक्ष श्रेष्ठले गाउँपालिकामा सामाजिक सुरक्षा भत्ता र स्वीकृत शिक्षक दरबन्दीलाई अपुग हुने गरी पैसा गएको र कतै धैरै पैसा गएकाले यस विषयमा ध्यान दिन महासंघले संघीय मामिला तथा सामान्य प्रशासन मन्त्रालय र अर्थ मन्त्रालयसँग आग्रह गरेको छ।

अध्यक्ष श्रेष्ठले भने, 'विषयगत कार्यालय अहिले पनि कायमै छन्, साझा अधिकारका विषयमा सरकारले कानून बनाउँदा गाउँपालिकालाई सोध्दै सोध्दैन।'

नगरपालिका र गाउँपालिकामा प्राप्त संवैधानिक हक समान छ। नागरिकप्रतिको जिम्मेवारी, जवाफदेही, प्रवाह गर्नुपर्ने सेवा र वितरण गर्नुपर्ने सुविधा समान भए पनि नगरपालिका प्रमुख र गाउँपालिका प्रमुखलाई गरिने व्यवहार फरक रहेको पनि श्रेष्ठले गुनासो गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपालको पासपोर्ट झन कमजोर बन्यो

काठमाडौंका यी स्थानमा आज विद्युत आपूर्ति नहुने

राष्ट्रपति रामचन्द्र पौडेलद्वारा पृथ्वीनारायण शाहको शालिकमा माल्यार्पण