काठमाडौं– नेपाल प्रहरीको मोस्ट वानटेड सूचीमा रहेका एक भारतीय नागरिक पक्राउ परेका छन्। हातहतियार खरखजना तथा लागुऔषध मुद्दाका फरार ‘मोस्ट वान्टेड’ प्रतिवादी भारत बिहार बस्ने ३९ वर्षीय बग्गा भन्ने प्रदिप यादवलाई प्रहरीले पक्राउ गरेको हो।
विराटनगर महानगरपालिका–१६ दरैयाबाट नियन्त्रित लागुऔषध १५ बोतल डाइलेक्स डिसी, ५० चक्की नाइट्रोसन र ५१ चक्की नाइट्राभेट सहित यादवलाई प्रहरीले पक्राउ गरिएको छ।
यादव भारतमा बसी नेपालको १ नम्बर र २ नम्बर प्रदेशका जिल्लाहरुमा अवैध रुपमा हातहतियार तथा लागुऔषधको कारोबार सञ्जाल बिस्तार गरी आपराधिक कार्य गर्ने गिरोहका मुख्य नाइके रहेको खुल्न आएको छ।
यादवले २०७५ मंसिर ३ गते उदयपुर उदयपुरगढी गाँउपालिका–१९ का मन्दिप तामाङलाई ‘मेड इन युएसए’ लेखेको अटोमेटिक पेस्तोल र ४ थान उक्त पेस्तोलको गोली सुनसरी इटहरी उपमहानगरपालिका (१२ खनार बस्ने ३५ वर्षीय सुशील कुमार साहुलाई दिन भनी भारतबाट अवैध हातहतियार नेपालतर्फ पठाएका थिए।
सो क्रममा मन्दिप र सुशीललाई विराटनगर महानगरपालिका–१६ स्थित विराटनगर हुलास मेटल चोकबाट प्रहरीले पक्राउ गरी हातहतियार तथा खरखजना मुद्दा चलाएको र उक्त हातहतियार नेपालतर्फ पठाउने गिरोहका मुख्य नाइके यादव रहेको खुल्न आएको थियो।
यसैगरी २०७५ मंसिर ८ गते उनले विराटनगर महानगरपालिका–१६ बस्ने २२ वर्षीय विद्यानन्द मण्डल र २० वर्षीय अनुप गिरीमार्फत ३ सय ८० एम्पुल विभिन्न नियन्त्रित लागुऔषध, १ सय ५ ग्राम १ सय १० मिलीग्राम, पेस्तोल र गोली भारतबाट सप्लाई गरेका थिए।
मण्डल र गिरीलाई यादवले उक्त लागुऔषध, कटुवा पेस्तोल र २ राउण्ड गोली विराटनगरस्थित बसपार्कमा सुनसरी धरान उपमहानगरपालिका घर भई ललितपुर ललितपुर महानगउरपालिका–४ एकान्तकुनामा डेरा गरी बस्ने ४१ वर्षीय रुपम राईलाई दिनु भनेका थिए।
सो घटनामा संलग्न ३ जनालाई प्रहरीले विराटनगर महानगरपालिका–११ बसपार्कबाट पक्राउ गरी लागुऔषध तथा हातहतियार खरखजना मुद्दा चलाएको थियो। त्यसबेला पनि उक्त हातहतियार र लागुऔषध नेपालतर्फ पठाउने गिरोहको मुख्य नाइके समेत यादव रहेको खुल्न आएको थियो।
पक्राउ परेका मण्डलमाथि जिल्ला प्रहरी कार्यालय मोरङले अनुसन्धान अघि बढाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
