भक्तपुर- रक्षामन्त्री ईश्वर पोखरेलले मध्यपुरथिमि नगरपालिकाका प्रमुख मदनसुन्दर श्रेष्ठमाथि आक्रमण गर्ने आक्रमणकारीलाई तत्काल पक्राउ गर्न प्रमुख जिल्ला अधिकारी र प्रहरी परिसरका प्रमुखलाई निर्देशन दिएका छन्।
श्रेष्ठको स्वास्थ्य अवस्थाबारे बुझ्न कोरियामैत्री अस्पताल पुगेका मन्त्री पोखरेलले भक्तपुरका प्रमुख जिल्ला अधिकारी द्रोण पोखरेल र प्रहरी परिसरका प्रमुख एवं प्रहरी उपरीक्षक किरण राणालाई फोनबाट यस्तो निर्देशन दिएका हुन्।
शनिबार साँझ चार जनाको समूहमा आएका व्यक्तिको आक्रमणमा परी घाइते भएका नगरप्रमुख श्रेष्ठसँग मन्त्री पोखरेलले घटनाबारे जानकारी लिएका थिए। मन्त्री पोखरेलले आक्रमण हुँदाको दृश्य मोबाइल र सिसी क्यामराको माध्यमबाट हेरेर आक्रमणकारी चिन्न सकिने अवस्था हुँदाहुँदै पनि घटना भएको ४८ घन्टासम्म प्रहरीले उनीहरुलाई पक्राउ गर्न नसकेकोमा चिन्ता व्यक्त गरे। उनले गृहमन्त्रीलाई भेटेर यसबारे जानकारी गराउने समेत बताए।
सोमबार साँझ नै संघीय मामिला तथा सामान्य प्रशासनमन्त्री लालबाबु पण्डितले प्रमुख श्रेष्ठको स्वास्थ्य अवस्थाबारे जानकारी लिँदै आक्रमणकारीलाई तत्काल पक्राउ गर्न र प्रमुख श्रेष्ठको सुरक्षाको व्यवस्था गर्न आफूले पहल गर्ने बताए। (रासस)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1775812183.jpg)
-1779545841.jpg)
